Bir adam qaiyrymdy is jasap, onyń videosyn kórgen 10 adam sony qaitalasa, volonter úshin nátije – sol. Bul týraly Ortalyq kommýnikatsiialar qyzmetinde ótken onlain-brifingte aityldy, dep habarlaidy QazAqparat.
«Bizde «Birgemiz» dep atalatyn jalpyulttyq kontseptsiia bar. Osy baǵyttardyń biri - «Taza Qazaqstan» jobasy. Ol ekologiiaǵa qatysty máselelermen ainalysady. Byltyr Almatyda senbilik uiymdastyryp qana qoimai, motivatsiialyq oiyndar arqyly volonterlerdi tarttyq. Mysaly, senbilik ótkizgen jerde iogamen ainalystyq», - deidi Qazaqstan volonterleri ligasynyń tóraiymy Aisulý Erniiazova.
Qazaqstan volonterler ligasy úilestirý keńesiniń múshesi Áziz Kajdenbek volonterler qaiyrymdylyq isin ne sebepti jariia túrde isteitinin aitty.
«Bizden kóbi qaiyrymdylyqty ne sebepti jariia túrle isteitinimiz týraly suraidy. Bir adam qaiyrymdy is jasap, onyń videosyn kórgen 10 adam qaitalasa, biz úshin nátije – sol. Ekovolonterlikti de óz tájiribemizde kórsetip, izbasarlarymyzǵa jetkizýge tiispiz», - deidi Áziz Kajdenbek.
