Volonter jyly aiasynda 7 jalpy ulttyq joba júzege asyrylady. Bul týraly búgin Májilistegi Úkimet saǵatynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Búginde respýblika boiynsha 200-den astam volonterlik uiymy jumys isteidi. Volonterlik qozǵalyspen 50 myńnan astam adam qamtyldy. Ózderińiz biletindei, Prezidentimiz Qasym-Jomart Toqaev kelesi jyldy «Volonter jyly» dep jariialady. Is júzinde, ol Jastar jylynyń qisyndy jalǵasy bolady jáne ol qoǵamnyń resýrstary men jasampaz energiiasyna súienetin Jastar bastamalaryn da damytýǵa baǵyttalatyn bolady», - dedi ol.
Osyǵan orai ministrdiń aitýynsha, eń aldymen normativtik-quqyqtyq bazany jetildirý qolǵa alynady.
«Qazir biz volonterdiń jumys tájiribesin eńbek ótiline qosý jáne joǵary oqý oryndaryna, kolledjderge túsý kezinde volonterlik qyzmetti esepke alý múmkindigin qarastyramyz», - dedi D.Abaev.
Ekinshiden onyń sózine qaraǵanda, barlyq óńirlerde «Birgemiz» jalpy tujyrymdamasynyń negizinde 7 jalpyulttyq joba aiasynda Volonterlik qyzmetti qoldaý ortalyqtary qurylatyn bolady.
«Bul jerde qandai jobalar boiynsha sóz bolyp otyr? Mysaly, «Bilim» jobasy boiynsha aýyldyq mektepterdiń joǵary synyp oqýshylaryna UBT-ǵa daiyndyq, aǵylshyn tili men kompiýterlik saýattylyqqa oqytý boiynsha volonterlik kómek uiymdastyrylady. «Sabaqtastyq» jobasy boiynsha volonterler balalar úileriniń balalaryna qamqorlyq jasaidy. Sonymen qatar meditsinalyq «Saýlyq», qorshaǵan ortany qorǵaýǵa baǵyttalǵan «Taza álem», bul volonterlerdi materialdyq jáne rýhani mádeni-tarihi murany saqtaýǵa tartýǵa baǵyttalǵan «Asyl mura», qarttar úilerindegi jumysqa baǵyttalǵan «Qamqor» jáne volonterlerdi habar-osharsyz ketkenderdi izdeýge tartýǵa baǵyttalǵan «Úmit» jobasy júzege asyrylady», - dedi D.Abaev..
Onyń aitýynsha, atalǵan jobalarǵa shaǵyn granttar bólý kózdelgen. »Úshinshiden, atalǵan jobalar boiynsha naqty jergilikti mindetterdi sheshýge baǵyttalatyn 300 myń teńgege deiin shaǵyn granttar bólý kózdeledi. Barlyǵy 420-ǵa jýyq shaǵyn grantqa qoldaý kórsetiledi. Tórtinshiden, korporativtik volonterlikti odan ári damytý úshin biznes-sektordy belsendi tartý josparlanýda. Búkil álemde bul fenomen meinstrimge ainalǵan. Bizdiń elde volontrliktiń mundai túri ázirge óte tanymal emes, biraq atap ótýge laiyqty jekelegen mysaldar bar», - dedi ol.
Osy oraida Dáýren Abaev Bi-group qurylys kompaniiasy múgedek balalardy áleýmettendirý boiynsha jumys júrgizip, túrli festivaldar, sporttyq marafondar uiymdastyratyndyǵyn, kúrdeli meditsinalyq operatsiialardy ótkizýge materialdyq kómek kórsetetindigin, aýyl oqýshylary arasynda olimpiadalar ótkizetindigin mysalǵa keltirdi.
«Volontrlik qyzmet salasynda, onyń ishinde BUU volonterler baǵdarlamasyn qosa alǵanda, internatsionaldyq qurylymdardyń jumysyna belsendi qatysý jolymen halyqaralyq yntymaqtastyq damityn bolady. Ózderińiz bilesizder, kelesi jyly Jeńis kúni toilanady. Sonyń aiasynda reseilik tarappen de birge jobalardy úzege asyrýǵa bolady», - dedi Dáýren Abaev.
