Jańa oqý jylynan volonterlik qyzmetpen ainalysatyn stýdentterdiń shákirtaqysy 30 paiyzǵa artpaq. Bul týraly búgin Májilistegi Úkimet saǵatynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Búginniń ózinde ministrlik «Stýdenttik bastama» volonterlik qozǵalysyn qurý jáne jas volonterler bazasyn qalyptastyrýdy kózdep otyr. Stýdentterdi qurylys otriadtaryna tartý máselesi pysyqtaldy. Stýdentter jazǵy demalys kezinde qurylys jasaqtarynda jumys istei bastady«, - dedi ol.
Ministrdiń aitýynsha, erikti qoǵamdyq paidaly qyzmetke tartylǵan stýdentterdiń úlesin arttyrý boiynsha «Áleýmettik stýdenttik nesie» jobasy iske qosyldy.
«Jańa oqý jylynan bastap balalar úilerinde, arnaiy mektepterde, qarttar úilerinde jáne basqa da mekemelerde volonterlik qyzmetpen ainalysatyn joǵary oqý oryndary stýdentteriniń shákirtaqysy 30 paiyzǵa arttyrylady dep josparlanýda», - dedi Dáýren Abaev.
