Ońtústik Koreiada ótip jatqan voleiboldan qyzdar arasyndaǵy Aziia birinshiliginde Qazaqstan quramasy Japoniiadan jeńilip qaldy, dep habarlaidy "Ult aqparat".
V tobyndaǵy ekinshi kezdesýinde qazaqstandyq qyzdar úsh sette de qarsylasyna ese jiberip qoidy. Birinshi sette quramamyz olarǵa 19:25 esebimen jol berdi. Kelesi set tartysty ótti. Degenmen japon qyzdary 25:23 esebimen basym tústi. Sońǵy sette olar 25:16 esebimen jeńdi. Osylaisha bizdiń qurama jalpy nátije boiynsha 0:3 esebimen jeńilip qaldy.
Bul topta 6 upaimen Japoniia kósh bastap tur. Odan keiingi oryndardaǵy Qazaqstan men Avstraliianyń enshisinde úsh-úsh upaidan bar. Al Úndistan qyzdary alǵashqy eki kezdesýinde de qarsylastaryna ese jiberip qoidy. Endi bizdiń qyzdar 20 tamyzda Úndistanmen kezdesedi.
Búgingi qarsylasymyz Aziia qurlyǵyndaǵy tájiribeli quramanyń biri sanalady. Japon qyzdary buǵan deiin 1975, 1983, 2007, 2017 jyldarda chempion atanyp úlgerdi. Sondai-aq, olar Olimpiada oiyndarynda (1964, 1976) jáne álem chempionatynda (1962, 1967, 1974) chempiondyq tuǵyrǵa kóterildi.
Bizdiń qyzdar Aziia birinshiligine biyl toǵyzynshy márte qatysyp otyr. Quramamyz 2005 jyly kúmis júldeger atanǵan bolatyn. Sol jyly finalda Japoniiaǵa 0:3 esebimen jeńilip qaldy. Qyzdarymyz ózderi qatysqan qalǵan Aziia birinshiliginde alǵashqy ondyqtan kórinip keledi.
Aziia chempionatynda 13 qurama baq synaidy. Olar tórt topqa bólingen. A tobynda Ońtústik Koreia, Gonkong, Iran, S tobynda Tailand, Jańa Zelandiia, Taivan, D tobynda Qytai, Indoneziia, Shri-Lanka quramalary synǵa túsedi. Bizdiń qurama V tobynda Japoniia, Avstraliia jáne Úndistan quramalarymen jarystyń kelesi satysyna beriletin eki joldamaǵa talasady. Aziia birinshiligi 25 tamyzda máresine jetedi.
Esterińizge sala ketelik, Aziia birinshiliginiń alǵashqy oiynynda bizdiń qyzdar Avstraliiadan 3:0 esebimen basym túsken bolatyn. Atalmysh toptaǵy taǵy bir kezdesýde Úndistan quramasy Avstraliiadan 1:3 esebimen jeńilip qaldy.
