Qazaqstan Respýblikasy Parlamenti Májilisindegi «Halyq kommýnisteri» fraktsiiasy basshylyǵynda ózgerister boldy. Bul týraly QKHP OK baspasóz qyzmeti habarlady.
Búgin, iaǵni 17 qyrkúiek kúni Parlament Májilisinde Qazaqstan Kommýnistik Halyq partiiasynyń (QKHP) «Halyq kommýnisteri» depýtattyq fraktsiiasynyń otyrysy ótti.
Fraktsiia jetekshisi Kosarev Vladislav Borisovichtiń bastamasymen uiymdastyrýshylyq suraqtar qarastyryldy:
- fraktsiia jetekshisiniń ókilettiligin toqtatý týraly
- fraktsiia jetekshisin sailaý týraly
"Kosarev Vladislav Borisovich fraktsiia jetekshisi ókilettiligin toqtatty. Ashyq sailaý negizinde fraktsiianyń jańa jetekshisi bolyp biraýyzdan QKHP Ortalyq Komitetiniń hatshysy, fraktsiia jetekshisiniń orynbasary, depýtat Qońyrov Aiqyn Oiratuly sailandy" delingen habarlamada.
Depýtattyq fraktsiianyń quramy ózgergen joq.
Kosarev Vladislav Borisovich 2016 jylǵy naýryz aiynda QKHP tizimi boiynsha VI-sailanǵan Qazaqstan Respýblikasy Parlamenti Májilisiniń depýtaty bolyp sailanǵan-dy. Halyqaralyq ister, qorǵanys jáne qaýipsizdik komitetiniń múshesi, Qazaqstan Respýblikasy Parlamenti Májilisi biýrosynyń múshesi, Qazaqstan Respýblikasy Parlamenti Májilisindegi «Halyq kommýnister» fraktsiiasynyń basshysy.
Al, QOŃYROV Aiqyn Oiratuly 1972 jyly 28 qarasha kúni Kókshetaý oblysy, Kýibyshev qtp. dúniege kelgen. Qazaq. Úilengen, eki bala tárbieleýde.
Eki joǵary bilimi bar – Kókshetaý memlekettik ýniversitet («Orys tilde oqytýsyz mektepterde orys tilinen oqytýshy», 1998j.), «Femida» Qaraǵandy zań akademiiasy («zańger-quqyqtanýshy», 2006j.).
1989 jyly Kýibyshev orta mektebin támámdaǵan soń eńbek qyzmetin Kýibyshev aýdandyq sharýashylyq basqarmasynyń avtobazasynda slesar bolyp bastady. Kásipkerlik isimen belsendi ainalysady.
2004-2011 j.j. aralyǵynda «News Print» JShS jetekshisi qyzmetin atqarady («Moskovskii komsomolets v Kazahstane» gazetin basyp shyǵarý).
2004 jyly Qazaqstan Kommýnistik Halyq Partiiasyn qurýǵa baǵyttalǵan uiymdastyrý komitetiniń quramyna endi.
2005-2006j.j. – Almaty qalalyq komitetiniń ekinshi hatshysy. Partiianyń tirkeýden ótken mezetinen bastap qazirgi tańǵa deiin QKHP Ortalyq komiteti apparatynyń jetekshisi. 2008 jyldan bastap QKHP Ortalyq komiteti Biýrosynyń múshesi.
2004j., 2007 j. QR Parlament Májilisiniń depýtattaryn sailaýǵa QKHP atynan kandidat bolyp qatysty.
2007j., 2011j. QKHP respýblikalyq sailaýaldy shtaby jetekshisiniń orynbasary. Qazaqstan Respýblikasynyń Parlamenti Májilisiniń V shaqyrylymynyń depýtaty. QR Parlamenti Májilisiniń Agrarlyq másleleler jónindegi komitetiniń múshesi.
2013 jyldan QKHP Ortalyq komitetiniń Hatshysy.
