"VKontakte" bas direktorynyń birinshi orynbasary Vladimir Gabrielian qaitys boldy, - dep habarlaidy Tengrinews.kz.
Bul týraly aqparat Jelide paida boldy. Derekkózde Gabrielian Nenets avtonomiialyq okrýgindegi Shoina aýylynyń mańynda jerústi kóligimen apatqa ushyraǵany jazylǵan.
Keiin "VKontakte" baspasóz qyzmeti kompaniianyń top-menedjeri qaitys bolǵandyǵy týraly habarlamany rastady. Kompaniia qaza tapqandardyń otbasylaryna kóńil aitty.
"Búgin tańerteń Vladimir Gabrielian men Sergei Merzliakov qaiǵyly oqiǵanyń saldarynan qaitys bolǵany belgili boldy. Biz olardyń jaqyndary men týystaryna qaiǵyryp kóńil aitamyz", - delingen habarlamada.
Ashyq aqparat kózderine súiensek, 2019 jyly ol VK bas direktorynyń birinshi orynbasary boldy. Biyl naýryzda Gabrielian kompaniianyń Direktorlar keńesine kirgen.
