"ۆكونتاكتە" باس ديرەكتورىنىڭ بٸرٸنشٸ ورىنباسارى ۆلاديمير گابريەليان قايتىس بولدى, - دەپ حابارلايدى Tengrinews.kz.
بۇل تۋرالى اقپارات جەلٸدە پايدا بولدى. دەرەككٶزدە گابريەليان نەنەتس اۆتونومييالىق وكرۋگٸندەگٸ شوينا اۋىلىنىڭ ماڭىندا جەرٷستٸ كٶلٸگٸمەن اپاتقا ۇشىراعانى جازىلعان.
كەيٸن "ۆكونتاكتە" باسپاسٶز قىزمەتٸ كومپانييانىڭ توپ-مەنەدجەرٸ قايتىس بولعاندىعى تۋرالى حابارلامانى راستادى. كومپانييا قازا تاپقانداردىڭ وتباسىلارىنا كٶڭٸل ايتتى.
"بٷگٸن تاڭەرتەڭ ۆلاديمير گابريەليان مەن سەرگەي مەرزلياكوۆ قايعىلى وقيعانىڭ سالدارىنان قايتىس بولعانى بەلگٸلٸ بولدى. بٸز ولاردىڭ جاقىندارى مەن تۋىستارىنا قايعىرىپ كٶڭٸل ايتامىز", - دەلٸنگەن حابارلامادا.
اشىق اقپارات كٶزدەرٸنە سٷيەنسەك, 2019 جىلى ول VK باس ديرەكتورىنىڭ بٸرٸنشٸ ورىنباسارى بولدى. بيىل ناۋرىزدا گابريەليان كومپانييانىڭ ديرەكتورلار كەڭەسٸنە كٸرگەن.
