Premer-ministrdiń orynbasary Eraly Toǵjanov zeinetaqy jinaǵynyń jetkilikti shegi ulǵaiýyna qatysty túsinikteme berdi, dep habarlaidy Sputnik.
Seisenbide jýrnalister sheneýnikten shekti joǵarylatý týraly aqparat nelikten 2021 jyldyń aiaqtalýyna bir ai qalǵanda belgili bolǵanyn surady.
"Birinshiden, Úkimet únsiz qalǵan joq. Ekinshiden, bul sheshim 2021 jyldyń 6 qańtarynda qabyldandy. Adamdar biledi, halyq ol týraly jaqsy bildi. Eger jyl sońynda ǵana belgili bolsa, 606 myń adam bul múmkindikti paidalanbas edi. Azamattar baspana máselesin sheshýge, emdelýge 2,2 trillion teńge aldy. Bul qomaqty soma", - dedi Toǵjanov.
Qazaqstanda 3 jeltoqsanda 2022 jyly jinaqtalǵan zeinetaqy qarajatyn merziminen buryn alýdyń jetkilikti shegi kúrt ósetini belgili boldy. Zeinetaqy jinaǵyn paidalaný úshin jetkilikti shek bolýy qajet: 21 jasta – 3,2 million teńge, 22 jasta – 3,3 million teńge, 30 jasta – 4,4 million teńge, 40 jasta – 5,8 million teńge, 50 jasta – 7,4 million teńge.
Bastapqyda jetkilikti shekti 2022 jyldyń 1 qańtarynan bastap kóterý josparlanǵan bolatyn, biraq narazylyq tolqynynan keiin prezident ony 2022 jyldyń 1 sáýirine deiin keiinge shegerý týraly sheshim qabyldady.
