QR Premer-Ministriniń orynbasary Roman Skliar bastaǵan qazaqstandyq delegatsiia koreialyq iri kompaniialardyń basshylarymen kelissóz júrgizý úshin jumys saparymen Seýlge bardy. Bul sapar QR Prezidenti Qasym-Jomart Toqaevtyń biylǵy tamyzda Koreia Respýblikasyna memlekettik sapary barysynda qol jetkizilgen ýaǵdalastyqtardy iske asyrý aiasynda boldy, dep habarlaidy primeminister.kz.
Koreia Respýblikasynyń saýda, indýstriia jáne energetika ministri Sýng Výk Mýnmen, Samsung Electronics, KIA Motors, Youngsan, LS Mtron, Doosan Heavy Industries & Construction, Simpac, Celltrion jáne Seegene Medical Foundation kompaniialarynyń basshylarymen kelissóz júrgizildi.
Naqty jobalar elektrondy jáne taý-ken ónerkásibi, energetika, meditsina, avtomobil óndirisi, meditsinalyq buiymdar men dári-dármekter salalarynda talqylandy.
Sonymen qatar sapar barysynda Koreia halyqaralyq saýda qaýymdastyǵynyń atqarýshy vitse-tóraǵasymen, Koreianyń geologiialyq zertteýler men mineraldy resýrstar institýtynyń prezidentimen jáne Koreia densaýlyq saqtaý salasyn damytý institýtynyń prezidentimen ekijaqty kezdesýler ótti.
Onyń barysynda taraptar energetika, taý-ken metallýrgiia kesheni, meditsina jáne densaýlyq saqtaý salasyndaǵy yntymaqtastyqty jandandyrýǵa kelisti.
Sonymen qatar Koreia densaýlyq saqtaý indýstriiasyn damytý institýtynyń qoldaýymen densaýlyq saqtaý men farmatsevtika ónerkásibinde jumys isteitin 20 iri korei kompaniiasynyń qatysýymen dóńgelek ústel ótkizildi.
Buǵan deiin Qazaqstan Respýblikasynyń Prezidenti Qasym-Jomart Toqaevtyń tapsyrmasy boiynsha koreialyq investorlarmen ózara árekettesý úshin QR Premer-Ministriniń orynbasary Roman Skliar bastaǵan arnaiy jumys toby quryldy.
