Premer-ministrdiń orynbasary – saýda jáne integratsiia ministri Serik Jumanǵarin Ekibastuzdaǵy kópqabatty úilerdiń bári keshke deiin jylýǵa qosylatynyn aitty, - dep habarlaidy Tengrinews.kz agenttigi.
"Qalǵan 17 kópqabatty úi, "Amanat" partiiasynyń ǵimaraty búgin tústen bastap qosylady. Keshke deiin kópqabatty úidiń bári jylýǵa qosylady", - dedi Jumanǵarin Ekibastuzda ótken brifingte.
Vitse-premer búgin jumystyń 99 paiyzy aiaqtalady dep sendirdi.
"Men turǵyndarmen kezdestim, bul - jumysshylar qalasy. Bári jaǵdaidy túsinedi, júieni biledi. Adamdar qol qýsyryp otyrǵan joq. Qanaǵattanbaý, ashý-yza bildirý jaǵdailary joq. Densaýlyq saqtaý mekemelerin araladyq. Shtabymyzdyń jumysy bastalǵanda perzenthanaǵa jas kelinshek tústi, ol qyz bosandy. Bul da jaqsy belgi", - dep qosty ol.
Pavlodar oblysynyń ákimi Ábilqaiyr Sqaqov tótenshe jaǵdailardy joiýǵa da, tótenshe jaǵdaidyń saldaryn joiýǵa da bailanysty barlyq shyǵyndy monopolist kompaniia kóteretinin aitty.
"Anyqtama retinde aitaiyn: keshe tańerteń qala turǵyndarynyń 93 paiyzyna jylý berildi. Tústen keiin 7 paiyzǵa jylý qosýdy josparlap otyrmyz", - dep qosty ol.
