Bul týraly QR Densaýlyq saqtaý vitse-ministri Ajar Ǵiniiat QR Prezidenti janyndaǵy OKQ-da eldegi aǵymdaǵy epidemiologiialyq jaǵdai jáne vaktsinatsiia júrgizý barysy týraly ótken brifingte aitty, dep habarlaidy Baq.kz agenttigi.
Barlyq jaǵdai Densaýlyq saqtaý ministrliginiń baqylaýynda. Birinshi jaǵdai Almaty oblysyndaǵy bizdiń áriptesimiz, qalalyq perzenthanada jumys istegen. Komissiia jumysty aiaqtady. Onda júrektiń sozylmaly aýrýy bolǵan. Dispanserde tirkelgen. Dárigerge qaralmaǵan jáne aýyr preparattar qabyldamaǵan, - dedi Ǵiniiat.
Ol ataǵandai, komissiia vaktsinanyń jetkizilýi men densaýlyq saqtaý uiymyna jetkizilýine deiingi jolyn zerttedi.
Komissiianyń qorytyndy nátijesinde vaktsinadan meditsinalyq saraptama boiynsha virýs nemese organdyq virýsy tabylmady. Ólimge sebep bolǵan júrektiń sozylmaly patologiiasy boldy. Oǵan vaktsinaǵa qatysy joq. Ekinshi jaǵdai boiynsha almatylyq azamat dárigerdiń jeke qaralýynda bolmaǵan, dispanserde de tirkelmegen, - dedi ol.
Ajar Ǵiniiat ol Almaty qalasynyń 2-emhanasynda vaktsinanyń ekinshi komponentin alǵanyn aitty.
Naýqasta arteriialyq qysym men júrek aýrýy bolǵan. Bul másele boiynsha sot-meditsinalyq saraptama aiaqtalmady. Komissiia áli jumys istep jatyr. Úshinshi jaǵdai Aqtóbe oblysynda tirkeldi. Komissiianyń nátijesi boiynsha naýqasta sozylmaly aýrý bolǵan. Ol ishemiialyq insýltke alyp kelýi múmkin. Onyń vaktsinatsiiaǵa qatysy joq, - dedi ol.
Ǵiniiat aitqandai, tórtinshi jaǵdai boiynsha ekinshi komponenttiń 12-kúninde bolǵan. Ol boiynsha áli komissiia jumys istep jatqanyn aitty.
