QR Aqparat jáne qoǵamdyq damý vitse-ministri Daniiar Esin Shymkenttegi «Rýhani jańǵyrý» keńsesiniń jumystarymen tanysty, dep habarlaidy "Ult aqparat".
Vitse-ministr aldymen qala imamdarymen kezdesti.
«Shymkent qalasynda 104 meshit bar. 68 imamǵa resmi jalaqy taǵaiyndalǵan. Ortalyq meshitimizge 5 myń adam syiady. Munda kelýshilerge tolyq jaǵdai jasalǵan. Kommýnaldy tólemder jeke kásipkerlerdiń esebinen tólenedi. Ai saiyn dini monitoring júrgizip otyramyz», - dedi QMDB-nyń Shymkent qalasy boiynsha ókil imamy Baqtybai Beisenbaev.
Budan keiin Daniiar Esin bastaǵan top Shymkent qalasy boiynsha «Rýhani jańǵyrý» keńsesin aralap kórdi. Keńseniń jetekshisi Záýre Oralbaeva Elbasynyń «Bolashaqqa baǵdar: rýhani jańǵyrý» jáne «Uly dalanyń jeti qyry» baǵdarlamalyq maqalalary aiasynda atqarylǵan jumystar men jańalyqtar barysyn baiandady. Dástúrdi dáripteitin «Dástúrim - asyl qazynam», «Ulttyq kiimder» atty qos kitaptyń jaryq kórgenin aityp ótti.
Sondai-aq, ólketanýǵa, kieli jerlerge bailanysty baspadan shyqqan basqa da anyqtamalyqtar tanystyryldy. «Qazaqstannyń Kieli jerleriniń geografiiasy» beineroligi kórsetildi.
