QR Bilim jáne ǵylym vitse-ministri Sholpan Karinova 4-toqsanda oqýshylar qalai bilim alatyndyǵyn túsindirdi, dep habarlaidy QazAqparat.
«1 sáýirde 4-toqsan bastalady. 4-toqsanda oqýshy sany 300-ge deiingi mektepterde bir synypta oqýshy sany 25 bala jinaqtalyp, shtattyq rejimde oqý jalǵasady. Sonymen qatar 4-toqsanǵa engizilip otyrǵan jańa format – jasyl jáne sary aimaqta aralas oqytý barlyq synyptar úshin usynylady. Osy rette birqatar máselege nazar aýdar qajettigin eske salamyn. Birinshiden, karantin talaptary qatań saqtalýy tiis. Bul rette bilim basqarmalary, ár mekteptiń ákimshiligi tiisti sanitarlyq talaptardy saqtaý jumysyn tolyq júrgizýi qajet. Ekinshiden, áleýmettik araqashyqtyq, oqýshylar men pedagogtardyń jeke gigienasy saqtalýy kerek. Munan bólek, oqýshylar aýyrǵan jaǵdaida ne naýqastarmen bailanysta bolǵanda jáne ata-ananyń ótinishine orai qashyqtan oqytý múmkindigi saqtalady», - dedi ol ministrliktiń apparat jinalysynda.
Onyń atap ótýinshe, 4-toqsanda negizgi pánder shtattyq rejimde, al mýzyka, eńbek, informatika, quqyq negizderi, grafika jáne jobalaý, kásipkerlik negizderi syndy pánder qashyqtan oqytylady.
Ár synypta 15 baladan aspaýy tiis. Al sabaqtardyń uzaqtyǵy 40 minýtqa sozylady.
«Qazirgi ýaqytta kei óńirler qyzyl aimaqta turǵany belgili. Bul - táýekeli joǵary óńirler. Onda sabaq 3-toqsandaǵydai formatta jalǵasady. Demek, 1-5 jáne 9 ben 11 synyptarda aralas oqytý formaty qoldanylady. Basqa synyptar qashyqtan oqi beredi», - dedi Sholpan Karinova.
