قر بٸلٸم جەنە عىلىم ۆيتسە-مينيسترٸ شولپان كارينوۆا 4-توقساندا وقۋشىلار قالاي بٸلٸم الاتىندىعىن تٷسٸندٸردٸ, دەپ حابارلايدى قازاقپارات.
«1 سەۋٸردە 4-توقسان باستالادى. 4-توقساندا وقۋشى سانى 300-گە دەيٸنگٸ مەكتەپتەردە بٸر سىنىپتا وقۋشى سانى 25 بالا جيناقتالىپ, شتاتتىق رەجيمدە وقۋ جالعاسادى. سونىمەن قاتار 4-توقسانعا ەنگٸزٸلٸپ وتىرعان جاڭا فورمات – جاسىل جەنە سارى ايماقتا ارالاس وقىتۋ بارلىق سىنىپتار ٷشٸن ۇسىنىلادى. وسى رەتتە بٸرقاتار مەسەلەگە نازار اۋدار قاجەتتٸگٸن ەسكە سالامىن. بٸرٸنشٸدەن, كارانتين تالاپتارى قاتاڭ ساقتالۋى تيٸس. بۇل رەتتە بٸلٸم باسقارمالارى, ەر مەكتەپتٸڭ ەكٸمشٸلٸگٸ تيٸستٸ سانيتارلىق تالاپتاردى ساقتاۋ جۇمىسىن تولىق جٷرگٸزۋٸ قاجەت. ەكٸنشٸدەن, ەلەۋمەتتٸك اراقاشىقتىق, وقۋشىلار مەن پەداگوگتاردىڭ جەكە گيگيەناسى ساقتالۋى كەرەك. مۇنان بٶلەك, وقۋشىلار اۋىرعان جاعدايدا نە ناۋقاستارمەن بايلانىستا بولعاندا جەنە اتا-انانىڭ ٶتٸنٸشٸنە وراي قاشىقتان وقىتۋ مٷمكٸندٸگٸ ساقتالادى», - دەدٸ ول مينيسترلٸكتٸڭ اپپارات جينالىسىندا.
ونىڭ اتاپ ٶتۋٸنشە, 4-توقساندا نەگٸزگٸ پەندەر شتاتتىق رەجيمدە, ال مۋزىكا, ەڭبەك, ينفورماتيكا, قۇقىق نەگٸزدەرٸ, گرافيكا جەنە جوبالاۋ, كەسٸپكەرلٸك نەگٸزدەرٸ سىندى پەندەر قاشىقتان وقىتىلادى.
ەر سىنىپتا 15 بالادان اسپاۋى تيٸس. ال ساباقتاردىڭ ۇزاقتىعى 40 مينۋتقا سوزىلادى.
«قازٸرگٸ ۋاقىتتا كەي ٶڭٸرلەر قىزىل ايماقتا تۇرعانى بەلگٸلٸ. بۇل - تەۋەكەلٸ جوعارى ٶڭٸرلەر. وندا ساباق 3-توقسانداعىداي فورماتتا جالعاسادى. دەمەك, 1-5 جەنە 9 بەن 11 سىنىپتاردا ارالاس وقىتۋ فورماتى قولدانىلادى. باسقا سىنىپتار قاشىقتان وقي بەرەدٸ», - دەدٸ شولپان كارينوۆا.
