Qazaqstanda AES salý máselesi zerttelip jatyr. Bul týraly Energetika birinshi vitse-ministri Murat Júrebekov aityp berdi, dep habarlaidy QazAqparat.
«Memleket basshysy óz Joldaýynda osy máseleni bir jylda pysyqtaýdy tapsyrdy. Qazir biz bul jóninde belsendi jumys istep jatyrmyz. Iaǵni, bizdiń jumysymyz – osyndai jobalardy iske asyrý úshin qajetti kriteriilerdi eskere otyryp, el aýmaǵynda AES salatyn oryndy anyqtaý. Biz sondai-aq halyqaralyq sarapshylarmen, sonyń ishinde tehnologiia, qýat boiynsha konsýltatsiialar júrgizýdemiz. Bizde tapshylyq bola ma, eger bolsa, qai jyly jáne qandai kólemde bolatynyn anyqtaý úshin elektr tutyný men elektr óndirisiniń teńgerimine qaraimyz. Bul jumystardyń barlyǵy qazir keshendi túrde júrgizilýde», - dedi Murat Júrebekov Ortalyq kommýnikatsiialar qyzmetinde ótken baspasóz máslihatynda.
Sonymen birge, spiker AES-ke qatysty máseleler halyqaralyq sarapshylarmen birge talqylanatynyn atap ótti. Onyń aitýynsha, bir jyl ishinde vedomstvo máseleni odan ári iske asyrý boiynsha óz paiymyn usynady.
