Mektepterdegi bilim berý protsesin dástúrli formatqa kóshirý Bas memlekettik sanitar dárigerdiń sheshimimen qabyldanady. Bul týraly QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
«Qashyqtan oqytýdyń ózi búgingi sanitarlyq-epidemiologiialyq jaǵdaiǵa bailanysty ekendigin taǵy da bir atap ótkim keledi. Árine, sanitarlyq jaǵdai eskerilip, ol jaqsarǵan saiyn Bas sanitar dárigerdiń sheshimimen mektepterdi shtattyq rejimde jumys isteýge qaitarý boiynsha sharalar qabyldanatyn bolady. Osyǵan qatysty ministrliktiń birneshe ustanymy bar. Ol ustanymdarymyzdy tiisti, beiindi ministrlikke usyndyq. Bul másele boiynsha jumys toptarymen kúndelikti bailanystamyz jáne ony sheshý joldaryna qatysty jumysymyzdy jalǵastyrýdamyz», - dedi vitse-ministr búgin Ortalyq kommýnikatsiialar qyzmetindegi baspasóz máslihatynda.
Onyń aitýynsha, mektepterdegi bilim berý protsesin dástúrli formatqa kóshirý Bas memlekettik sanitar dárigerdiń sheshimimen qabyldanady.
«Árine, biz óz tarapymyzdan osy máselege qatysty usynystarymyzdy beremiz», - dedi Sholpan Karinova.
