Búgin Qytaida ótip jatqan «Singer-2017» jobasynda qazaq ánshisi Dimash Qudaibergenov Vitastyń "Opera №2" ánin oryndady. Bul týyndy reseilik ánshiniń repertýaryndaǵy eń kúrdeli ánderdiń qataryna jatady.
Iá, Dimashty kópshilik jurt Vitaspen jii salystyryp jatady. Alaida ánshiniń ózi jaqynda jeke paraqshasynda: "Qazaqtyń Vitasy", "Vitas siiaqty aitady", "Ekinshi Vitas" degen maǵan teńeý sózderińizdi estip jatamyn! Árine, Vitas jaqsy ánshi, ony qurmetteimin, biraq men - "Ekinshi Vitas" emespin! Mýzykadan xabary bar mamandar meni jaqsy túsinedi", - dep jazdy. Sol sebepti "Opera №2" ánin oryndarda Vitastyń daýysynan 4 modýliatsiiamen 2 ton joǵary aitýǵa bel bailaǵan-dy. Nátijesin de kórdińizder. Naqty baǵasyn mamandar bere jatar, bizdiń pikir qazaq ánshisiniń Vitastan bir mysqal da kem oryndamaǵanyn maquldaidy.
Reseidiń jaryq juldyzy Vitas (Vitalii Vladasovich Grachiov) esimi kópshilikke jaqsy tanys. Ol erekshe daýysymen ánsúier qaýymnyń yqylasyna bólengen biregei talant. Ol 1979 jyly 19 aqpanda Daýgavpils (Latviia) qalasynda týǵan. 2000 jyly úlken sahnaǵa qadam basyp, "Opera №2" ánimen tanyla bastaidy.
Álemde Vitastyń ónerine tánti tyńdarmandardyń qatary kóp. Ásirese, Qytai elinde. Onyń Qytaidaǵy resmi fan-klýbyna 1 millionnan asa adam tirkelgen eken. Tipti, ánshige arnap Shanhai qalasynda eskertkish qoiylǵan. Sondai-aq, Vitastyń qytailyq "Mýlan" filmine túsip, "Beneath the Glory" ánin oryndaǵanyn da aita ketken jón.
2006 jyly Vitas pen Sergei Pýdovkinniń "Made in China" atty albomy jaryq kórdi. Búginde qytailyqtar Vitasty "Delfin daýysynyń karoli" dep ataidy.
Tómendegi videodan Vitastyń "Opera №2" ánin Qytai elinde oryndaǵan sátin kóre alasyzdar:
Al, myna videodan "Opera №2" áni Dimashtyń oryndaýynda kórip-tyńdai alasyzdar:
Jandos Aiman,
