بٷگٸن قىتايدا ٶتٸپ جاتقان «Singer-2017» جوباسىندا قازاق ەنشٸسٸ ديماش قۇدايبەرگەنوۆ ۆيتاستىڭ "وپەرا №2" ەنٸن ورىندادى. بۇل تۋىندى رەسەيلٸك ەنشٸنٸڭ رەپەرتۋارىنداعى ەڭ كٷردەلٸ ەندەردٸڭ قاتارىنا جاتادى.
يە, ديماشتى كٶپشٸلٸك جۇرت ۆيتاسپەن جيٸ سالىستىرىپ جاتادى. الايدا ەنشٸنٸڭ ٶزٸ جاقىندا جەكە پاراقشاسىندا: "قازاقتىڭ ۆيتاسى", "ۆيتاس سيياقتى ايتادى", "ەكٸنشٸ ۆيتاس" دەگەن ماعان تەڭەۋ سٶزدەرٸڭٸزدٸ ەستٸپ جاتامىن! ەرينە, ۆيتاس جاقسى ەنشٸ, ونى قۇرمەتتەيمٸن, بٸراق مەن - "ەكٸنشٸ ۆيتاس" ەمەسپٸن! مۋزىكادان xابارى بار ماماندار مەنٸ جاقسى تٷسٸنەدٸ", - دەپ جازدى. سول سەبەپتٸ "وپەرا №2" ەنٸن ورىنداردا ۆيتاستىڭ داۋىسىنان 4 مودۋلياتسييامەن 2 تون جوعارى ايتۋعا بەل بايلاعان-دى. نەتيجەسٸن دە كٶردٸڭٸزدەر. ناقتى باعاسىن ماماندار بەرە جاتار, بٸزدٸڭ پٸكٸر قازاق ەنشٸسٸنٸڭ ۆيتاستان بٸر مىسقال دا كەم ورىنداماعانىن ماقۇلدايدى.
رەسەيدٸڭ جارىق جۇلدىزى ۆيتاس (ۆيتاليي ۆلاداسوۆيچ گراچيوۆ) ەسٸمٸ كٶپشٸلٸككە جاقسى تانىس. ول ەرەكشە داۋىسىمەن ەنسٷيەر قاۋىمنىڭ ىقىلاسىنا بٶلەنگەن بٸرەگەي تالانت. ول 1979 جىلى 19 اقپاندا داۋگاۆپيلس (لاتۆييا) قالاسىندا تۋعان. 2000 جىلى ٷلكەن ساحناعا قادام باسىپ, "وپەرا №2" ەنٸمەن تانىلا باستايدى.
ەلەمدە ۆيتاستىڭ ٶنەرٸنە تەنتٸ تىڭدارمانداردىڭ قاتارى كٶپ. ەسٸرەسە, قىتاي ەلٸندە. ونىڭ قىتايداعى رەسمي فان-كلۋبىنا 1 ميلليوننان اسا ادام تٸركەلگەن ەكەن. تٸپتٸ, ەنشٸگە ارناپ شانحاي قالاسىندا ەسكەرتكٸش قويىلعان. سونداي-اق, ۆيتاستىڭ قىتايلىق "مۋلان" فيلمٸنە تٷسٸپ, "Beneath the Glory" ەنٸن ورىنداعانىن دا ايتا كەتكەن جٶن.
2006 جىلى ۆيتاس پەن سەرگەي پۋدوۆكيننٸڭ "Made in China" اتتى البومى جارىق كٶردٸ. بٷگٸندە قىتايلىقتار ۆيتاستى "دەلفين داۋىسىنىڭ كارولٸ" دەپ اتايدى.
تٶمەندەگٸ ۆيدەودان ۆيتاستىڭ "وپەرا №2" ەنٸن قىتاي ەلٸندە ورىنداعان سەتٸن كٶرە الاسىزدار:
ال, مىنا ۆيدەودان "وپەرا №2" ەنٸ ديماشتىڭ ورىنداۋىندا كٶرٸپ-تىڭداي الاسىزدار:
جاندوس ايمان,
