Osydan birneshe apta buryn San Diegodaǵy Qualcomm-nyń qashyqtan uiymdastyrǵan is-sharasynda 5G qosymsha shynaiylyqtyń avatarlaryn «shynaiy» túrde kórsetti. Bul jetistikke spektraldi jiiliktiń joǵarylyǵy men tejelý ýaqytynyń tómendiginiń arqasynda qol jetkizip, protsess qurylǵydan bultyq júiege aýysqan.
Derekterdi taratatyn ortalyqtar tejelý ýaqytyn barynsha azaitqandyqtan, biz virtýaldy úi janýarlaryn ustap, ózimizge virtýaldy dostar taba alamyz. Tipti kóptegen alys aimaqtarǵa virtýaldy túrde baryp qaita alamyz. Virtýaldy shynaiylyqtyń kómegimen siz ózińizdi sol jerdegidei sezinesiz. Bul dron nemese qandai da robotpen saiahattaǵan siiaqty emes. Iaǵni, sizdiń avataryńyzdy sol jerdegi adamdar kóre alady.
Bul degenimiz adamdar men úi janýarlarynyń tsifrly klondaryn jasap shyǵarýǵa úlken múmkindikter ashady. Jaqynda ǵana adamnyń alǵashqy tsifrly klony jasaldy jáne bul bolashaqta kóptegen qyzyqty jańalyqtarǵa sep bolady.
Dei turǵanmen, qosymsha shynaiylyqty (augmented reality) jasaý úshin úsh túrli kedergi bar:
1. Optika. Qurastyrýshylar sýretti shynaiy etip kórsetip, ony bizdiń shynaiylyqqa uqsatyp jasaý kerek. Qazirgi tańda qosymsha shynaiylyqqa arnalǵan kózildirikte bizdiń álem tolyq kórinbeidi, al adamnyń avatary mýltfilmdegi eles siiaqty bolady.
Onyń ústine kózildirikter kiiýge yńǵaily ári ádemi bolý kerek. Mysaly, 3D teledidarlarǵa arnalǵandai siyqsyz kózildirkti eshkim de kigisi kelmesi anyq.
2. Esepteý quraldarynyń jyldamdyǵy. Virtýaldy saiahattarǵa kerekti kompiýterdiń esepteý kúshi óte joǵary bolý kerek jáne ol sizdiń deneńizge kiilý kerek. Alaida HP-diń qos batareiasymen jabdyqtalǵan kompiýterdi arqańyzda tasyp júrý sizdi sharshatyp, qartaityp jiberedi. Tipti siz kútkendei nátije bere alatynyna kúmán kóp.
3. Mazmun. Qazirgi tańda jihaz siiaqty jansyz zattarǵa qolda bar 3D skannerlerdiń kómegimen mazmun qurastyrý qiyn emes.
Alaida, virtýaldy úi janýary shynaiy úi janýary siiaqty kórinip nemese virtýaldy adamnyń da shynaiy bolǵanyn qalasaq, olardyń tulǵasyn kodtaý kerek. Búginge deiin bul biz úshin qol jetpes arman bolyp kelgen edi.
Protsessti bult júiesine aýystyrǵan kezde úlken qurylǵylardy ózimizben kótermeitin bolamyz. Sáikesinshe, ekinshi problemanyń da sheshimi tabyldy. Sonymen qatar, qosymsha jumysty jasandy intellektige bergen kezde, ol shynaiy adam nemese janýar siiaqty bolady.
Optika máselesin sheshý úshin kózildiriktiń áinegin aýystyrý kerek. Biraq qoldanýshylarǵa yńǵaily bolatyn optikalyq kózildirikti jasap shyǵarý úshin de ýaqyt qajet bolady. Adamdar kúnnen qorǵaityn kózildirikterden basqa, ózge dizainmen jasalǵan kózildirikterdi kie bermeidi. Sol sebepten kúnnen qorǵaityn kózildiriktiń dizainy joǵarydaǵy máseleniń jaqsy sheshimi bola alady.
Virtýaldy janýarlar, virtýaldy adamdar
Jumysqa jańa kirgen adamdar nemese jii is-saparǵa shyǵatyn qyzmetkerler ózderimen birge úi janýarlaryn alyp júre almaidy. Úi janýaryn ózderimen birge alyp júrgen kúnde de, olardy keńselerge kirgizý qiyndyq týǵyzady. Keibir kompaniialar úi janýarlaryna ruqsat bergenimen, kóbisi tyiym salǵan. Sondyqtan, úi janýary bar adamnyń jaqsy jumysqa turyp, alǵa qarai damýy qiyndyq týǵyzýy múmkin.
Al siz ózińiz ǵana kóre alatyn virtýaldy úi janýary bolǵanyn qalar ma edińiz? Eger siz jasandy intellektimen jumys isteitin bolsańyz, ol sizdiń aqyldy jolserigińiz ári sizben ǵana sóilesetin ainymas dosyńyz bola alady. Sizdiń jaqsy dosqa degen qajettiligińizdi úi janýaryn asyramai-aq qamtamasyz etýge bolady.
Erekshe qabiletke ie aqyldy úi janýaryn jasap shyǵarǵanymyz siiaqty, siz virtýaldy adam da jasai alasyz. Virtýaldy dosyńyzdy ózińiz unatatyn adamǵa uqsatyp jasap, sizge unamaityn jaqtaryn ózgerte alasyz.
Siz tipti ózińizdi de qaitadan jasap shyǵaryp, eń jaqsy virtýaldy klonyńyzǵa qol jetkizýge bolady. Ol sizdiń eń senimdi serigińiz bola alady, sebebi adam balasy basqadan góri ózine kóbirek senedi. Ózińiz túsingendei, virtýaldy egizińiz máńgilik ómir súrip, urpaqtaryńyzǵa aqyl aityp otyratyn bolady.
Sol siiaqty, tsifrly tehnologiialar kompiýterlik oiyndarǵa kóp úles qosady. Qurastyrýshylar bir komandada shynaiy jáne virtýaldy oiynshylardy aralastyra alady. Siz tipti eń jaqsy oiynshylardy klondap, olardy aqyly túrde basqa komandalarǵa bere alasyz.
Sóz sońynda
Jergilikti bult júiesiniń ortalyqtanǵan bult júiesine aýysýy bizdiń shynaiy ómirdi qalai qabyldaýymyzdy túbegeili ózgertedi. Sol arqyly biz shynaiy jáne virtýaldy dostar jasap, tipti ózimizdiń tsifrly álemde máńgi qalýymyzǵa múmkindik syilaidy.
Árine, bul kóptegen adamnyń shynaiy dos pen úi janýarynyń ornyna virtýaldy serikti tańdaýyna jol ashýy múmkin. Degenmen, sonyń arqasynda ózimizben jumys istep, adam retinde eń jaqsy nusqamyzdy taba alamyz. Tipti balalar da bizdiń jaqsartylǵan modelimizdi kórip ósýine jaǵdai týyndaidy.
Joǵaryda aitylǵan tehnologiianyń jetistigi álemde aldaǵy birneshe onjyldyqta orasan zor ózgeristerdiń oryn alatyndyǵynan habar beredi. Kezinde siqyr sekildi kóringen dúnieler qazir shynaiylyqqa ainalyp, balalarymyzdy ózimizdiń jaqsartylǵan virtýaldy klonymyz tárbieleitin bolady.
Maqalanyń túpnusqasy: technewsworld.com
