Pavlodar oblysyndaǵy memlekettik shekarada VIN-kody tirkeý qujatyndaǵy málimetterge sáikes kelmeitin avtokólik anyqtalyp, júrgizýshi ákimshilik jaýapkershilikke tartyldy, dep habarlaidy ult.kz.
Pavlodar oblysy sottarynyń málimetinshe, Ýspen aýdandyq soty jalǵan memlekettik tirkeý derekteri bar kólikti basqarǵan azamatqa qatysty ákimshilik isti qarady.
Oqiǵa "Qosaq" ótkizý beketinde tirkelgen. Shekaralyq baqylaý kezinde kóliktiń VIN-kody kólik quralyn tirkeý týraly kýáliktegi málimettermen sáikes kelmeitini anyqtalǵan. Osydan keiin avtokólik politsiia qyzmetkerleriniń qaraýyna alyndy.
Sot otyrysynda júrgizýshi kinásin tolyq moiyndap, kólikti 2025 jyldyń jeltoqsanynda dál osy kúiinde satyp alǵanyn aitty. Sondai-aq onyń basqa kóligi joq ekenin jetkizdi.
Sot júrgizýshiniń jalǵan memlekettik tirkeý derekteri bar kólikti basqarǵanyn anyqtap, bul áreketti Ákimshilik quqyqbuzýshylyq týraly kodekstiń 590-babynyń 4-bóligine sáikes quqyqbuzýshylyq dep tanydy. Jaza taǵaiyndaý kezinde sot onyń kinásin moiyndaǵanyn, jasaǵan isine ókinetinin jáne asyraýynda kámeletke tolmaǵan balalary bar ekenin eskerdi. Aýyrlatatyn mán-jailar anyqtalǵan joq.
Sot qaýlysymen júrgizýshi bir táýlikke ákimshilik qamaýǵa alynyp, bir jyl merzimge kólik quralyn basqarý quqyǵynan aiyryldy. Al tárkilengen avtokólik zańdy iesine qaitarylatyn boldy. Sot sheshimi zańdy kúshine endi.
