Aqtóbede qala turǵynyn bopsalap júrgen eki adam ustaldy, dep habarlaidy "Ult aqparat".
8 qazan kúni Aqtóbe oblystyq Politsiia departamentine qala turǵyny shaǵym túsirgen. Onyń aitýynsha, belgisiz adam 1 qazannan bastap jeke basqa qatysty videony áleýmettik jelige taratatynyn aityp, qorqytqan. Solai aqsha bopsalap, 700 myń teńge talap etken.
«12 qazan kúni oblystyq Politsiia departamentiniń kriminaldyq politsiia basqarmasy jáne arnaiy jasaq 600 myń teńge alyp jatqan jerinen eki kúdiktini ustady. Onyń biri - Temir aýdanynyń, ekinshisi - Aqtóbe qalasynyń týmasy. Oqiǵa ornynan zattai aiǵaq retinde 600 myń teńge men beinematerial alyndy. Kúdiktiler «eshqaida ketpeý» týraly qolhatpen jiberildi», - dep habarlady oblystyq PD baspasóz qyzmetinen.
Oqiǵa boiynsha Qylmystyq kodekstiń «Qorqytyp alý» baby boiynsha iz qozǵaldy.
