Japoniia astanasy Tokio qalasynda VI Paralimpiada oiyndarynyń saltanatty ashylý rásimi bastaldy, dep habarlaidy "Ult aqparat".
Sport básekesi 24 tamyz jáne 5 qyrkúiek aralyǵynda ótkiziledi. Atalǵan jarysta elimizdiń atynan 26 adam sporttyń 7 túrinen synǵa túspek.
Qazaqstan quramasynan sýǵa júzýden - 7, dziýdodan - 7, paýerliftingten - 5, taekvondodan -3, jeńil atletika, kanoede eskek esý men oq atýdan - eki-ekiden sportshylar qatysady.
Qazir Japoniia ulttyq stadionynda ótetin saltanatty ashylý rásiminde elimizdiń Týyn taekvondodan eki dúrkin Álem chempiony, Aziia jáne Eýropa chempionattarynda úzdikter qatarynan kóringen Nurlan Dombaev pen paýerliftingten Rio Paralimpiadasynyń kúmis júldegeri Raýshan Qoishybaeva ustap shyǵady dep kútilýde.
Tokio Paralimpiada oiyndarynda dúnie júziniń 136 memleketinen kelgen 4400-ge jýyq sportshy 22 sport túrinen synǵa túsedi.
Aita ketsek, «Qazsport» telearnasy XVI Paralimpiada oiyndaryn tikelei efirde kórsetedi.
