Foto: Májilistiń baspasóz qyzmeti
Májilis depýtaty Nurgúl Taý Jibek Joly telearnasyndaǵy «Fokýs vnimaniia» baǵdarlamasynyń efirinde depýtattar arasynda elimizde veipke tyiym salýǵa qarsy shyqqandar bolǵanyn málimdedi, - dep habarlaidy Kazinform agenttigi.
«Májilistegi áriptesterimniń arasynda veip tartýdy tyiym salýǵa qarsy adamdar da bar. Men buǵan qatty tań qaldym. Árine, árkimniń óz pikiri bar. Biraq bul jerde balalar men jasóspirimderdiń densaýlyǵy mańyzdy bolyp tur, olar — bizdiń bolashaǵymyz, sony túsinýimiz kerek. Biz olardyń ár qadamyn tekserýimiz kerek», — dedi Nurgúl Taý efir barysynda.
Sondai-aq, telebaǵdarlama júrgizýshisi spikerden temeki ónerkásibi lobbisteri men veip indýstriiasy lobbisteriniń áserin salystyrýdy surady.
«Shyndyǵyna kelsek, temeki de, veip te — bir zat. Iaǵni ekeýin de shyǵaratyn bir kompaniia», — dep jaýap berdi halyq qalaýlysy.
Aita keteiik, biyl 24 qańtarda Májilis veipke tyiym salatyn zańdy qabyldady.
