Vetnam biligi jaqyndap qalǵan «Noýl» tropiktik daýylyna bailanysty 500 myńnan astam adamdy qaýipsiz jerge shyǵarýǵa daiyndalýda. «Noýl» - jyldamdyǵy 120 m/s deiin jetetin, taifýn kúshine ie daýyl, dep habarlaidy vetnamdyq VnExpress International basylymy.
Vetnam meteorologiialyq qyzmetiniń málimetinshe, Filippinnen batysqa qarai, teńizde qalyptasqan «Noýl» daýyly qazirgi kezde Parasel araldaryna jaqyndap qalǵan. Aldaǵy táýlikte tabiǵi apattyń Vetnamnyń ortalyq provintsiialary – Kýangbin, Thyathen-Hiýe jaǵalaýyna, sondai-aq Danang qalasyna jetetini kútilip otyr.
Sinoptikter jaǵalaýdaǵy aýdandarda daýyl saldarynan qatty jańbyr jaýyp, sý tasqyny bolatynyn, al taýlarda kóshkin júrýi múmkin ekenin eskertti.
Vetnam eliniń ulttyq qorǵanys ministrligi apat saldarymen kúres júrgizý úshin ulttyq armiianyń áskeri qyzmetkerlerin jumyldyrdy. Ortalyq provintsiialardyń biligi turǵyndardy jappai evakýatsiialaýǵa daiyndalýda.
