Vetnamda nóser jańbyrdyń saldarynan bolǵan qatty sý tasqyny men kóshkin saldarynan kem degende 20 adam qaza taýyp, taǵy 14 adam habar-osharsyz ketti. Bul týraly VnExpress habarlady.
Ótken seisenbiden bastap bul aimaq nóserdiń astynda qalǵan. Jeksenbide Kýangnam men Kýangngai provintsiialary arasyndaǵy aýmaqta soqqan Linf daýyly jaǵdaidy odan ári qiyndatqan.
Sońǵy málimetter boiynsha, Kýangchi provintsiiasynda keminde alty adam kóz jumdy. Kýangnamda bes ólim týraly habarlansa, Thýa Thien-Hýiýde 3 ólim rastaldy. 50 000-ǵa jýyq adam evakýatsiialandy.
Ótken aptanyń ortasynan bastap ortalyq jaǵalaýda qatty jańbyr quiyp, kei aýdandarda júzdegen úi 4 metrge jýyq sý astynda qaldy. Ha Tin, Kýangnam, Kýangbin, Kýangchi jáne Thýa Thien-Hiýe provintsiialaryndaǵy, sondai-aq Danang qalasyndaǵy 206 kommýnadaǵy 100 000-nan astam úi 0,3-3 metr tereńdiktegi sý astynda qalǵan.
