Foto: blogerdiń jelidegi paraqshasynan
Vetnamda ustaldy degen aqparat taraǵan qazaqstandyq bloger Qaisar Qamza áleýmettik jelide bailanysqa shyqty, dep habarlaidy Ult.kz.
Tanymal bloger Instagram Stories arqyly video jariialap, qazirgi jaǵdaiyn túsindirgen. Onyń aitýynsha, ol jýyrda Qazaqstanǵa baryp, keiin Vetnamnyń Niachang qalasyna qaita oralǵan.
"Qazir ekstraditsiia máselesi qaralyp jatyr. Sheshim kútip otyrmyn. Sot ta, qamaý da bolǵan joq. Tek kóshi-qon qyzmeti pasportty alyp qoidy. Barlyǵy jaqsy bolady dep úmittenemin", – dedi bloger.
Eske salaiyq, buǵan deiin qazaqstandyq blogerge izdeý jariialanǵany habarlanǵan edi. Keiin onyń Vetnamnyń Kamran qalasynda ustalǵany týraly aqparat tarady.
