Veterinar mamandardyń jalaqysyn kóterý máselesin sheshý josparlanyp otyr. Bul týraly Úkimet otyrysynda Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Memleket basshysynyń tapsyrmasy boiynsha veterinariia júiesi túbegeili reformalanatyn bolady. Birinshiden, memlekettik monopoliia fýnktsiialarynyń bir bóligin básekeli ortaǵa berý josparlanyp otyr, bul osy salaǵa jeke kapitaldyń kelýin qamtamasyz etedi. Ekinshiden, veterinariialyq qyzmet jumysy tsifrlyq formatqa kóshiriledi, sol arqyly bir jaǵynan epizootiialyq ahýaldyń qadaǵalanýy men mal sharýashylyǵy ónimderiniń qaýipsizdigi qamtamasyz etiledi. Al ekinshi jaǵynan, tsifrlandyrý veterinar mamandardy qaǵazbastylyqtan bosatyp, negizgi fýnktsiialaryn oryndaýlaryna múmkindik beredi», - dedi Qarashókeev.
Onyń aitýynsha, ortalyq jáne jergilikti atqarýshy organdardyń veterinariialyq qyzmetteri arasynda ókilettikter naqty bólinetin bolady. Sonymen qatar, veterinar mamandardyń jalaqysyn kóterý máselesin sheshý josparlanyp otyr. Bul bastamalardy iske asyrý úshin veterinariia salasyndaǵy zańnamaǵa ózgerister men tolyqtyrýlar ázirlenedi.
