QR Bas memlekettik sanitar dárigeri Erlan Qiiasovtyń jańa qaýlysy jaryq kórdi. Oǵan sáikes, birqatar eldiń azamattarynyń vaktsinatsiia anyqtamalary Qazaqstan aýmaǵynda jaramdy bolady, dep habarlaidy "Ult aqparat".
Qujatta Vengriia, Tailand jáne Mońǵoliia azamattarynyń pasporttary/sertifikattary/vaktsinatsiia anyqtamalary Qazaqstan Respýblikasynyń aýmaǵynda jaramdy dep tanylatyndyǵy aitylǵan.
«Kóliktegi sanitariialyq-epidemiologiialyq baqylaý departamenti, sanitariialyq-epidemiologiialyq baqylaý komitetiniń aýmaqtyq departamentteri, Qazaqstan Respýblikasynyń Memlekettik shekarasy arqyly avtomobil ótkizý pýnktterindegi memlekettik kirister organdarynyń qurylymdyq bólimsheleri osy qaýlynyń 3-tarmaǵynda kórsetilgen qujattar bolǵan kezde Vengriia, Tailand jáne Mońǵoliia azamattarynyń Qazaqstan Respýblikasynyń aýmaǵyna kirýine ruqsat etsin», - delingen qaýlyda.
