Italiianyń Veneto aýdanynda Venetsiia karnavalyn ótkizýge tyiym saldy, dep habarlaidy carnevale.venezia.it saity.
Sharanyń toqtalýyna koronavirýstyń taralyp ketýi qaýpi sebep bolǵan.
«Venetsiia karnavalynyń kópshilikke arnalǵan is-sharalaryn barlyq quzyrly organdarmen kelise otyryp, eki kún buryn toqtatyldy», delingen uiymdastyrýshylar taratqan habarlamada.
23 aqpan kúngi málimet boiynsha, Italiianyń Lombardiia jáne Veneto provintsiialaryndaǵy 12 qalaǵa koronavirýsqa bailanysty karantin engizildi, eldimekenderdegi 50 myńǵa jýyq turǵyn úide qalýǵa májbúr.
Eske sala ketsek, Italiiada koronavirýstan úshinshi adam qaitys boldy. Qazirgi ýaqytta 150 adam aýrýǵa shaldyqqan. Senbi kúni Italiia úkimeti eki adam qaitys bolǵannan keiin koronavirýspen kúres boiynsha «tótenshe sharalar» qarastyratynyn málimdep, eldiń soltústik aimaǵynyń turǵyndaryna óz úilerinen shyqpaýǵa keńes berdi.
Sonymen qatar, Milandaǵy «La Skala» teatry jeksenbi kúni koronavirýs infektsiiasyna bailanysty saqtyq úshin jumysyn toqtatqanyn málim etti. Bul týraly aqparat teatrdyń Facebook-tegi paraqshasynda jariialandy.
