Venesýela Ulttyq assambleiasynyń tóraǵasy Horhe Rodrigestiń málimetinshe, tabiǵi apat saldarynan 1 943 adam qaza taýyp, 10 571 adam jaraqat alǵan. Qazirge deiin 50 myńǵa jýyq adam habar-osharsyz ketken. Qutqarýshylar 6 461 adamdy aman alyp shyqsa, 80 870 otbasyǵa gýmanitarlyq kómek kórsetilgen, dep habarlaidy ult.kz.
Jer silkinisinen zardap shekken 28 380 adam aýrýhanalar men dalalyq meditsinalyq lagerlerde em qabyldap jatyr.
Apat saldaryn joiý jumystaryna 26 myńnan astam áskeri qyzmetker, 15 467 erikti, sondai-aq shetelden kelgen 3 660 qutqarýshy jumyldyrylǵan. Izdeý-qutqarý operatsiiasyna 186 iz kesýshi it qatysyp jatyr.
Olardyń arasynda buǵan deiin Siriia men Túrkiiadaǵy jer silkinisterinen keiin izdeý jumystaryna qatysqan 9 jastaǵy Tsýnami esimdi border-kolli de bar. It Venesýelada qiraǵan ǵimarattardyń astynan 100-ge jýyq adamdy tabýǵa kómektesken.
Sonymen qatar, apattan keiingi altynshy kúni iordaniialyq qutqarýshylar La-Gýaira qalasyndaǵy úiindi astynan úsh jastaǵy balany tiri alyp shyqty. Ol sol kúni tabylǵan jalǵyz tiri adam boldy.
