ۆەنەسۋەلا ۇلتتىق اسسامبلەياسىنىڭ تٶراعاسى حورحە رودريگەستٸڭ مەلٸمەتٸنشە, تابيعي اپات سالدارىنان 1 943 ادام قازا تاۋىپ, 10 571 ادام جاراقات العان. قازٸرگە دەيٸن 50 مىڭعا جۋىق ادام حابار-وشارسىز كەتكەن. قۇتقارۋشىلار 6 461 ادامدى امان الىپ شىقسا, 80 870 وتباسىعا گۋمانيتارلىق كٶمەك كٶرسەتٸلگەن, دەپ حابارلايدى ult.kz.
جەر سٸلكٸنٸسٸنەن زارداپ شەككەن 28 380 ادام اۋرۋحانالار مەن دالالىق مەديتسينالىق لاگەرلەردە ەم قابىلداپ جاتىر.
اپات سالدارىن جويۋ جۇمىستارىنا 26 مىڭنان استام ەسكەري قىزمەتكەر, 15 467 ەرٸكتٸ, سونداي-اق شەتەلدەن كەلگەن 3 660 قۇتقارۋشى جۇمىلدىرىلعان. ٸزدەۋ-قۇتقارۋ وپەراتسيياسىنا 186 ٸز كەسۋشٸ يت قاتىسىپ جاتىر.
ولاردىڭ اراسىندا بۇعان دەيٸن سيرييا مەن تٷركيياداعى جەر سٸلكٸنٸستەرٸنەن كەيٸن ٸزدەۋ جۇمىستارىنا قاتىسقان 9 جاستاعى تسۋنامي ەسٸمدٸ بوردەر-كوللي دە بار. يت ۆەنەسۋەلادا قيراعان عيماراتتاردىڭ استىنان 100-گە جۋىق ادامدى تابۋعا كٶمەكتەسكەن.
سونىمەن قاتار, اپاتتان كەيٸنگٸ التىنشى كٷنٸ يوردانييالىق قۇتقارۋشىلار لا-گۋايرا قالاسىنداعى ٷيٸندٸ استىنان ٷش جاستاعى بالانى تٸرٸ الىپ شىقتى. ول سول كٷنٸ تابىلعان جالعىز تٸرٸ ادام بولدى.
