Jappai tártipsizdik jáne lańkestik aktileri boiynsha 181 qylmystyq is tergelip jatyr. Bul týraly Ortalyq kommýnikatsiialar qyzmetinde QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Bas prkýratýra qańtar oqiǵalary kezeńinde jasalǵan qylmystardyń tergelýin jáne azamattardyń konstitýtsiialyq quqyqtaryn qorǵaý jumystaryn jalǵastyrýda. Barlyǵy 3 096 sotqa deiingi tergep-tekserýler tirkeldi. Negizinde olar menshikke qarsy, buzaqylyq jáne qarýdy jymqyrý qylmystary. Arnaiy prokýrorlardyń basqarýymen vedomstvoaralyq tergeý toby jappai tártipsizdik jáne lańkestik aktileri boiynsha 181 qylmystyq isti tergep jatyr», - dedi E. Qilymjanov.
Onyń aitýynsha, qylmystyq kodeks boiynsha jappai tártipsizdikter azamattarǵa kúsh qoldanýmen, biznes nysandaryn jáne jeke múlikti qiratýmen, bilik ókiline qarýly qarsylyq kórsetýge ulasady.
«Alaida jekelegen adamdardyń áreketi halyq arasynda úrei men qoqynyshty týǵyzýdy jáne memlekettik organdardyń qyzmetin toqtatýdy maqsat etti. Sol úshin olar memlekettik biliktiń simvoly retinde ákimdik ǵimarattaryna, sondai-aq tártip kúshteri nysandaryna shabýyl jasap, oǵan tosqaýyl qoidy. Sondyqtan osyndai is-áreketter Qylmystyq kodekstiń 255-babyna sáikes, terrorizm aktileri retinde saralanady», - dedi Eldos Qilymjanov.
Quqyq qorǵaý organdarynyń ǵimaratyn basyp alýdyń negizgi maqsaty – atys qarýyn iemdený. Atap aitqanda, Almaty oblysynda politsiia departamenti ǵimaratynan 53 avtomat, 367 tapansha, 1 granatamet, sondai-aq 23 myńnan astam patron urlanǵan, - dedi ol.
