Búgin QR Premer-Ministriniń orynbasary Eraly Toǵjanovtyń tóraǵalyǵymen ótken Koronavirýs infektsiiasynyń paida bolýyna jáne taralýyna jol bermeý jónindegi vedomstvoaralyq komissiianyń otyrysynda el turǵyndarynyń bekitilgen karantindik rejimdi qatań saqtaýdy baqylaýǵa alý máselesi qaraldy, dep habarlaidy "Ult aqparat" Úkimettiń resmi saityna silteme jasap.
«Birqatar óńirde aýrýdy juqtyrý sany kóbeiip otyr, bul tikelei karantindik talaptardyń oryndalmaýyna bailanysty. Memleket basshysynyń tapsyrmasyna orai óńirler sanitarlyq-epidemiologiialyq talaptardyń oryndalýyn baqylaýdy uiymdastyryp, olardy oryndamaǵan azamattarǵa, mekemelerge, óndiris obektileri men kásipkerlik sýbektilerine qatysty tiisti sharalar qabyldaýy kerek», - dedi E. Toǵjanov.
Osyǵan orai, óńirlerdiń ákimdikteri men memlekettik organdarǵa: eńbek ujymdarynda áleýmettik qarym-qatynastyń deńgeiin barynsha tómendetý; jumys kúni barysynda betperde taǵý jáne ýaqtyly aýystyrýdy baqylaýda ustaýdy uiymdastyrý; áleýmettik ara qashyqtyqty saqtaý múmkindigin jasaý; qoǵamdyq kólikke jolaýshylardyń tek arnaiy otyrý oryndaryna sáikes jáne mindetti túrde maskasy bar bolǵan jaǵdaida ǵana minýin qamtamasyz etý; qorǵanys, ishki ister qyzmetkerleriniń qatysýymen qoǵamdyq jáne óndiris oryndaryn, mekemeler men obektilerdi dezinfektsiialaý sharalaryn kúsheitý tapsyryldy.
Berilgen tapsyrmalardyń oryndalýy Úkimet tarapynan turaqty baqylaýǵa alynady.
