«Vechernii Ýrgant» reseilik baǵdarlamasynda qonaqta bolǵan qazaqstandyq ánshi Dimash Qudaibergen kesh júrgizýshisi, belgili shoýmen Ivan Ýrgantqa shapan syilady, dep habarlaidy "Ult aqparat".
Baǵdarlama Reseidiń «Birinshi arnasynyń» efirine Nur-Sultan ýaqytymen búgin, túngi saǵat 01.25-da shyqty.
D.Qudaibergennen bólek, kesh qonaqtary RF halyq ártisi, kompozitor Igor Krýtoi men mánerlep syrǵanaýdan Olimpiada chempiony Adelina Sotnikova boldy. Qudaibergen men Sotnikova kompozitordyń 65 jyldyq mereitoiyna arnalǵan úlken kontsertterdiń qatysýshylary.
Kórermender stýdiiada Dimashty dý qol shapalaqpen qarsy alyp, onyń esimin biraz ýaqyt daýystap aityp, qyzý qoldaý bildirdi. Osy ýaqytta júrgizýshi Igor Krýtoidan: «Igor Iakovlevich, mereitoi sizdiki. Biraq barlyǵy «Dimash!» dep aiǵailap jatyr. Ony búgin ózińizben baǵdarlamaǵa shaqyrǵanyńyzǵa ókinbeisiz be?», - dep suraq qoidy. Buǵan kompozitor: «Árine, joq! Dimash shynymen de myqty emes pe!», - degen jaýap qaiyrdy.
Keiin júrgizýshi Dimashtan álemge áigili qytailyq akter, rejisser Djeki Chanmen qalai tanysqanyn, kezdeskenin surap, kórermenderge ekeýi túsken fotony kórsetti. «Djeki Chan qanshalyqty áigili bolǵanymen, óte qarapaiym adam. Onymen habarlasyp, ara-tura kezdesip turamyz», - dedi Dimash.
Kesh barysynda jas ánshi Ivan Ýrgantqa qazaqtyń shapanyn syilap, iyǵyna japty.
Jalpy, baǵdarlama ádettegidei, úlken pozitivte, qaljyńǵa toly ótti. Degenmen, telekórermender Dimashtyń baǵdarlama sońynda án aitpaǵanyna ókinish bildirdi. Qonaqtarǵa ándi reseilik pop-ánshi Mari Kraimbreri syilady.
