Foto: instagram.com/make_sakevich
Meiirjan Tórebaev pen Meiirhan Sherniiazov appeliatsiialyq shaǵym túsirdi, - dep habarlaidy Tengrinews.kz.
Búgin Almaty qalalyq sotynyń apelliatsiialyq instantsiiasy belgili vainerlerge qatysty qarjy piramidasy isin qarai bastady.
Apelliatsiialyq satydaǵy sot otyrysyna jaýapkerlerdiń ózi qatyspaidy. Olardyń múddesin advokattary qorǵaidy.
Eske salaiyq, byltyr 23 maýsymda Almaly aýdandyq soty tanymal vainerlerge Mudarabah Capital qarjy piramidasy isi boiynsha úkim shyǵarǵan bolatyn. Aiyptalýshylar tarapynda barlyǵy 12 adam bolǵan.
Tórebaev pen Sherniiazov Qylmystyq kodekstiń 217-baby "Qarjy (investitsiialyq) piramidasyn qurý jáne basqarý" boiynsha kináli dep tanyldy.
Sonymen qatar Almaly aýdanynyń soty vainer Meiirjan Tórebaevqa qaýipsizdigi eń tómen koloniiada bes jylǵa bas bostandyǵynan aiyrý jazasyn taǵaiyndady. Meiirhan Sherniiazovqa da dál osyndai jaza berildi. Qalǵan qatysýshylarǵa 8 jyldan 14 jylǵa deiin bas bostandyǵynan aiyrý jazasy taǵaiyndaldy.
Sonymen qatar, sot jábirlenýshilerdiń 1 milliard 861 million 752 myń 441 teńgeden asa somadaǵy talabyn qanaǵattandyrdy.
