فوتو: instagram.com/make_sakevich
مەيٸرجان تٶرەباەۆ پەن مەيٸرحان شەرنييازوۆ اپپەلياتسييالىق شاعىم تٷسٸردٸ, - دەپ حابارلايدى Tengrinews.kz.
بٷگٸن الماتى قالالىق سوتىنىڭ اپەللياتسييالىق ينستانتسيياسى بەلگٸلٸ ۆاينەرلەرگە قاتىستى قارجى پيراميداسى ٸسٸن قاراي باستادى.
اپەللياتسييالىق ساتىداعى سوت وتىرىسىنا جاۋاپكەرلەردٸڭ ٶزٸ قاتىسپايدى. ولاردىڭ مٷددەسٸن ادۆوكاتتارى قورعايدى.
ەسكە سالايىق, بىلتىر 23 ماۋسىمدا المالى اۋداندىق سوتى تانىمال ۆاينەرلەرگە Mudarabah Capital قارجى پيراميداسى ٸسٸ بويىنشا ٷكٸم شىعارعان بولاتىن. ايىپتالۋشىلار تاراپىندا بارلىعى 12 ادام بولعان.
تٶرەباەۆ پەن شەرنييازوۆ قىلمىستىق كودەكستٸڭ 217-بابى "قارجى (ينۆەستيتسييالىق) پيراميداسىن قۇرۋ جەنە باسقارۋ" بويىنشا كٸنەلٸ دەپ تانىلدى.
سونىمەن قاتار المالى اۋدانىنىڭ سوتى ۆاينەر مەيٸرجان تٶرەباەۆقا قاۋٸپسٸزدٸگٸ ەڭ تٶمەن كولونييادا بەس جىلعا باس بوستاندىعىنان ايىرۋ جازاسىن تاعايىندادى. مەيٸرحان شەرنييازوۆقا دا دەل وسىنداي جازا بەرٸلدٸ. قالعان قاتىسۋشىلارعا 8 جىلدان 14 جىلعا دەيٸن باس بوستاندىعىنان ايىرۋ جازاسى تاعايىندالدى.
سونىمەن قاتار, سوت جەبٸرلەنۋشٸلەردٸڭ 1 ميلليارد 861 ميلليون 752 مىڭ 441 تەڭگەدەن اسا سوماداعى تالابىن قاناعاتتاندىردى.
