Foto: Instagram/meirzhach_tv
Pavlodar oblysy qylmystyq-atqarý júiesi departamenti sottalýshy Meiirjan Tórebaevtyń nege úiine jiberilgenin túsindirdi, dep habarlaidy «Ult aqparat» Pavlodar oblysy boiynsha QAJD baspasóz qyzmetine silteme jasap.
№44 mekemede jazasyn ótep jatqan Meiirjan Tórebaevqa anasynyń aýrýyna bailanysty qysqa merzimdi demalys berildi.
«Qylmystyq-atqarý zańnamasyna sáikes qaýipsizdigi eń tómen mekemelerde jazasyn óteýshiler mekemeniń ákimshiligine jeti táýlikten aspaityn merzimge onyń sheginen tys jerde júrýge qajetti ýaqytty eseptemegende, mekeme ákimshiligine júginýge quqyly»,-dep habarlady vedomstvodan.
Buǵan deiin qarjy piramidasyn qurdy dep sottalǵan Meiirjan Tórebaevtyń áieli Dana Eseeva áleýmettik jelide kúieýi men balalarynyń videosyn jariialaǵan bolatyn.
Aita keteiik, byltyr maýsym aiynda Meiirjan Tórebaev Qylmystyq kodekstiń 217-bap boiynsha kináli dep tanylyp, sot úkimine sáikes, eń tómengi qaýipsizdik koloniiasynda bes jyl bas bostandyǵynan aiyrý jazasyna kesilgen edi.
