Qazaqstan men Polsha Syrtqy ister ministrlikteri arasynda saiasi konsýltatsiialar ótti, dep habarlaidy "Ult aqparat" QR syrtqy ister ministrliginiń resmi saityna silteme jasap.
Qazaqstan delegatsiiasyn QR Syrtqy ister ministriniń orynbasary Marǵulan Baimuhan, Polsha tarapyn - Syrtqy ister ministriniń orynbasary Marchin Pshidach basqardy.
Kelissózder barysynda taraptar ekijaqty formattaǵy jáne halyqaralyq uiymdar sheńberindegi Qazaqstan men Polsha arasyndaǵy qarym-qatynastardyń ahýaly jáne damý keleshegin talqylady. Saiasi, saýda-ekonomikalyq jáne mádeni-gýmanitarlyq yntymaqtastyqty keńeitýge, sondai-aq óńiraralyq ózara is-qimyl múmkindikterine erekshe nazar aýdaryldy. Óńirlik jáne jahandyq kún tártibiniń aǵymdaǵy máselelerine qatysty jan-jaqty jáne tiimdi pikir almasty.
Delegatsiia basshylary «COVID-19» pandemiiasynyń saldaryn eńserý boiynsha ózara tiimdi kómek pen birlesken kúsh-jigerdi atap ótti.
Kezdesý qorytyndysy boiynsha Qazaqstan men Polshanyń syrtqy saiasi vedomstvolary arasyndaǵy ózara qyzyǵýshylyq týdyratyn barlyq salalardaǵy ekijaqty áriptestikti odan ári damytýǵa baǵyttalǵan dialogty jalǵastyrý týraly ýaǵdalastyqqa qol jetkizdi.
