Astanada ótip jatqan «Digital Bridge» halyqaralyq innovatsiialyq forýmyna Hyperloop Transportation Technologies atqarýshy direktory Dirk Alborn keldi. Ol kýlýarda jýrnalister saýalyna jaýap berip, joǵary jyldamdyqpen qorǵalatyn vakýýmdyq poiyz jobasyn Qazaqstanda qalai iske asyrýǵa bolatynyn aitty, dep habarlaidy Baq.kz agenttigi.
«Biz jańa kólik túrin ázirleýmen ainalysamyz. Óte qysqa ýaqyt ishinde joǵary jyldamdyqta saiahat jasaýǵa múmkindik beretin kapsýlany elestetip kórińizshi. Qazir biz Qytaimen, Dýbaimen kelisimshartqa qol qoidyq. Basqa da eldermen jumys isteýdi josparlap otrmyz. Qazir olardyń úkimetimen jumys istep jatyrmyz. Slovakiiadan bastap Braziliia, Úndistan, Indoneziia bar, sońy Chehiiamen aiaqtalatyn barlyǵy 14 jobamyz bar», - dedi bas direktor.
Jýrnalister Dirk Albornnan jobany Qazaqstanda iske asyrý qanshalyqty múmkin ekenin surady.
«Qazaqstanmen jumys istegimiz keledi, biraq eń aldymen zańnamalyq turǵydan saiasi máselelerdi sheship alýymyz qajet. Sodan soń ǵana biz jumysty bastai alamyz» - dedi ol Astanada ótip jatqan «Digital Bridge» halyqaralyq innovatsiialyq forýmynda.
Dirk Alborn joba qurylysy birneshe faktorǵa táýeldi ekenin, degenmen bir shaqyrym joldyń qurylysy shamamen 20 mln dollardy quraitynyn atap ótti.
«Alaida Qazaqstanda eńbek resýrstaryna bailanysty anaǵurlym arzanǵa túsedi. Ár elde ketetin shyǵynǵa bailanysty esepteimiz», - dedi spiker.
Ol Qazaqstanda qurylǵan halyqaralyq «Astana Hub» IT-startap tehnoparkine baǵa berdi.
«Memlekettiń tsirlfyq damýmen ainalysýyn óte mańyzdy dep sanaimyn. Onsyz eldiń ári qarai damýy múmkin emes jáne osyndai jaǵdaida árdaiym alǵa kóz tastap, jyljý kerek. Muny óte mańyzdy dep oilaimyn», - dep túiindedi sózin Dirk Alborn.
Aita kestek, Hyperloop – 2013 jyly amerikalyq venchýrlyq kásipker Ilon Mask vakýým poiyzy jobasyn usynǵan bolatyn. Biraq bul sońyna deiin iske asqan joq. Búginde Hotorn men Las-Vegasta tájiribelik poligondar ornalasqan.
