Respýblikalyq diagnostikalyq ortalyqtyń klinikalyq immýnologiia, allergologiia jáne pýlmonologiia bóliminiń meńgerýshisi, meditsina ǵylymdarynyń doktory Elena Kovzel vaktsina alǵannan keiin qandai jaǵdailarda koronavirýs juqtyrý múmkin ekenin aitty, dep habarlaidy QazAqparat.
«Árine, vaktsinatsiiadan keiin juqtyrý múmkindigi bar. Vaktsinalyq jaýap degeniń ózi salystyrmaly uǵym. Keibir adamdarda immýndyq reaktsiia kúshti, al basqalarynda álsiz bolady. Eger vaktsinatsiiadan keiin jetkilikti immýndyq qabilet paida bolmasa, árine, juqtyrý qaýpi bar. Eger naýqasta ortasha immýndyq jaýap paida bolsa, biraq virýstyń shabýyly kúshti bolsa, bul jaǵdaida da infektsiia juǵýy múmkin. Biraq biz vaktsinatsiiadan keiin virýstyń shabýyly báseńdeitin shyǵar dep otyrmyz», - dedi meditsina ǵylymdarynyń doktory.
Onyń aitýynsha, infektsiianyń juǵý qaýpi aǵzanyń kúiine bailanysty.
«Mysaly, infektsiia shabýyldaǵan kezde adam taǵy bir virýstyń shabýylyna qatar ushyrady nemese basqa bir aýrýdyń órshýine bailanysty himioterapiia alyp júrgen kezge tap keldi deiik. Mundai jaǵdaida vaktsina týdyrǵan immýndyq qabilet biz kútken qorǵanys bere almaýy múmkin», - dedi Elena Kovzel.
