رەسپۋبليكالىق دياگنوستيكالىق ورتالىقتىڭ كلينيكالىق يممۋنولوگييا, اللەرگولوگييا جەنە پۋلمونولوگييا بٶلٸمٸنٸڭ مەڭگەرۋشٸسٸ, مەديتسينا عىلىمدارىنىڭ دوكتورى ەلەنا كوۆزەل ۆاكتسينا العاننان كەيٸن قانداي جاعدايلاردا كوروناۆيرۋس جۇقتىرۋ مٷمكٸن ەكەنٸن ايتتى, دەپ حابارلايدى قازاقپارات.
«ەرينە, ۆاكتسيناتسييادان كەيٸن جۇقتىرۋ مٷمكٸندٸگٸ بار. ۆاكتسينالىق جاۋاپ دەگەنٸڭ ٶزٸ سالىستىرمالى ۇعىم. كەيبٸر ادامداردا يممۋندىق رەاكتسييا كٷشتٸ, ال باسقالارىندا ەلسٸز بولادى. ەگەر ۆاكتسيناتسييادان كەيٸن جەتكٸلٸكتٸ يممۋندىق قابٸلەت پايدا بولماسا, ەرينە, جۇقتىرۋ قاۋپٸ بار. ەگەر ناۋقاستا ورتاشا يممۋندىق جاۋاپ پايدا بولسا, بٸراق ۆيرۋستىڭ شابۋىلى كٷشتٸ بولسا, بۇل جاعدايدا دا ينفەكتسييا جۇعۋى مٷمكٸن. بٸراق بٸز ۆاكتسيناتسييادان كەيٸن ۆيرۋستىڭ شابۋىلى بەسەڭدەيتٸن شىعار دەپ وتىرمىز», - دەدٸ مەديتسينا عىلىمدارىنىڭ دوكتورى.
ونىڭ ايتۋىنشا, ينفەكتسييانىڭ جۇعۋ قاۋپٸ اعزانىڭ كٷيٸنە بايلانىستى.
«مىسالى, ينفەكتسييا شابۋىلداعان كەزدە ادام تاعى بٸر ۆيرۋستىڭ شابۋىلىنا قاتار ۇشىرادى نەمەسە باسقا بٸر اۋرۋدىڭ ٶرشۋٸنە بايلانىستى حيميوتەراپييا الىپ جٷرگەن كەزگە تاپ كەلدٸ دەيٸك. مۇنداي جاعدايدا ۆاكتسينا تۋدىرعان يممۋندىق قابٸلەت بٸز كٷتكەن قورعانىس بەرە الماۋى مٷمكٸن», - دەدٸ ەلەنا كوۆزەل.
