Vaktsina saldyrý koronavirýstan qorǵanýǵa 100 paiyz kepil bola almaidy. Bul týraly QR DSM «Qoǵamdyq densaýlyq saqtaý ulttyq ortalyǵy» ShJQ RMK Sanitariialyq-epidemiologiialyq saraptama jáne monitoring ǵylymi-praktikalyq ortalyǵynyń dáriger-epidemiology Lena Qasabekova aitty, dep habarlaidy QazAqparat.
«Koronavirýs infektsiiasyna qarsy vaktsinatsiia búkil álemde, onyń ishinde bizdiń respýblikamyzda óte ózekti problema bolyp tur. Bizdiń mindetimiz - qazirgidei qate ári teris aqparattar ýshyǵyp turǵan sátte «ekpe alý kerek pe, kerek emes pe» degen máselede halyqtyń durys sheshim qabyldaýyna kómek kórsetý», - dedi ol Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, búginde halyqtyń basym bóliginiń tym bolmaǵanda vaktsinanyń birinshi komponentin alýy mańyzdy.
«Búkil álemde vaktsina tapshylyǵy baiqalatyndyǵyn barlyǵy biledi. Biraq, osyǵan qaramastan elimizdiń turǵyndaryna vaktsinanyń úsh túri qoljetimdi bolyp tur. Biz úshin halyqtyń barynsha vaktsina alǵany mańyzdy. Al jaqsy immýnitet qalyptasýy úshin vaktsinanyń ekinshi komponentin alý mańyzdy. Vaktsinatsiia koronavirýs infektsiiasynan qorǵaýǵa kepil bola almaidy. Vaktsina alyp, endigi ýaqytta «tolyqtai qorǵaldym» dep júrgen adamdarǵa munyń durys emes ekendigin aitqym keledi. Adam ekpe alsa da bul vaktsinadan 100 paiyz qorǵalmaidy. Vaktsinatsiia koronavirýstyń aýyr túrinen, ólim-jitimnen qorǵaidy. Tipti ekpe alǵan adamnyń ózi de aýyryp qalyp, odan ary sol virýsty taratýshy bolýy múmkin», - dedi Lena Qasabekova.
