Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova qaladaǵy epidemiologiialyq jaǵdai týraly aitty, dep habarlaidy QazAqparat.
Onyń aitýynsha, Almatyda epidemiologiialyq jaǵdai turaqty emes.
«Almaty qalasynda epidemiologiialyq jaǵdai shielenisken. 31 qańtardan bastap Almaty qalasy epidemiologiialyq jaǵdaidy baǵalaý matritsasynyń jasyl aimaǵynda ornalasqan, biraq búgingi kúni Almaty qalasynda koronavirýs indetiniń damý qarqyny boiynsha reprodýktivti sany R – 0,949, iaǵni 1-ge óte jaqyn, odan asyp ketken kezde biz sary aimaqqa kóshemiz. Osyǵan bailanysty Almaty qalasynda matritsanyń sary aimaǵyna sáikes keletin bas memlekettik sanitariia dárigeriniń 31 qańtardaǵy qaýlysymen belgilengen shekteý sharalary qoldanylýda», - deidi Ásel Qalyqova.
Sonymen qatar, ol koronavirýsty qoǵamdyq orynda juqtyrý artqanyn tilge tiek etti.
«Qalada qoǵamdyq orynda virýsty juqtyrý 5 paiyzǵa artqan. Negizinen aýa raiynyń jylýyna bailanysty adamdardyń kópshilik jerge jii shyǵýynan bolyp otyr. Sondai-aq otbasynda virýs juqtyrý 2%-ǵa artqan, iaǵni toi, qudalyq siiaqty otbasylyq jiyndar áser etken. Bir aptada osyndai jiynda virýs juqtyrǵan 16 jaǵdai tirkeldi. Bul halyqtyń bosańsyp, qaýipsizdik sharasyn eskermegenin kórsetedi», - dedi ol.
Sondai-aq ol qoǵamdyq kólikte virýs juqtyrý deńgeii burynǵydai 20-22 paiyz kóleminde qalyp otyrǵanyn aitty.
«Koronavirýspen negizinen 20-40 jas aralyǵyndaǵy azamattar syrqattanyp jatyr. Odan keiingi orynda - 40-50 jas aralyǵyndaǵy azamattar. 14 jasqa deiingi balalar – 11% quraidy. 15-19 jas aralyǵyndaǵy jasóspirimder - 4% qurap otyr», - deidi spiker.
Sóz sońynda maman vaktsinatsiia kezinde barlyq shekteý sharalaryn saqtaýdy jalǵastyrý kerek ekenin aitty.
«Qazir jappai vaktsinatsiia júrip jatyr. Sondyqtan ujymdyq immýnitetti damytý nátijesin alǵanǵa deiin barlyq shekteý sharalaryn saqtaýdy jalǵastyrý qajet», - deidi Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova.
