Barlyq óńirde koronavirýsqa qarsy vaktsinanyń I jáne II komponentiniń jetkilikti kólemi bar. Bul týraly QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etti, dep habarlaidy "Ult aqparat".
«Biylǵy jyldyń aqpan aiynan beri aimaqtarǵa vaktsinanyń 3,9 mln astam dozasy jetkizildi, sonyń ishinde «Spýtnik V» vaktsinasy II komponentiniń 1,2 mln dozasy jáne «Hayat Vax SARS-CoV-2 Vero Cell» (Sinofarm) vaktsinasynyń 800 myń dozasy bar.
18 mamyrdaǵy jaǵdai boiynsha, qazirgi kezde vaktsinanyń II komponenti/dozasynyń 750 myńǵa jýyq dozasy bar. Sonyń ishinde «Spýtnik V» vaktsinasy II komponentiniń 324 myń dozasy jáne «Hayat Vax SARS-CoV-2 Vero Cell» (Sinofarm) vaktsinasynyń 400 myń dozasy bar.
Búginde barlyq aimaqta KVI-ge qarsy vaktsinanyń I jáne II komponentiniń/dozasynyń kólemi jetkilikti», - delingen komitet aqparatynda.
Óńirler boiynsha:
Qaraǵandy oblysyna vaktsinanyń barlyǵy 329 795 dozasy jetkizildi. Sonyń ishinde 163 865-i egýdiń II-shi kezeńin ótkizýge arnalǵany. Búginde vaktsinanyń 111 045 dozasy qalyp otyr, onyń 91 152-si egýdiń II kezeńine arnalǵan.
Aqtóbe oblysynda KVI-ge qarsy vaktsinanyń jetkilikti kólemi bar, barlyǵy 156 950 doza jetkizildi. Sonyń ishinde 57 450-i II-shi kezeńdi ótkizýge arnalǵan. Qazirgi kezde qalyp otyr 55 522 doza, onyń 28 071-i egýdiń II-shi kezeńin ótkizýge arnalǵan.
Soltústik Qazaqstan oblysynda koronavirýsqa qarsy vaktsinanyń jetkilkti kólemi bar. 18 mamyrdaǵy jaǵdai boiynsha, aimaqqa vaktsinanyń barlyǵy 134 400 dozasy jetkizildi, sonyń ishinde 43 200 doza – ekpeniń II-shi komponenti. Qazirgi ýaqytta II-shi kezeńdi ótkizýge barlyǵy 22 366 doza qaldy.
Batys Qazaqstan oblysyna barlyǵy 138 560 doza jetkizildi, sonyń 42 010-y II-shi kezeńdi ótkizýge arnalǵan. Búginde vaktsinanyń 52 398 dozasy qalyp otyr, onyń ishinde 18 532-si – II komponent.
Almaty oblysyna barlyǵy 410 060 doza alyndy, sonyń ishinde II-shi kezeńdi ótkizýge 202 210 doza bolǵan. Búginde oblysta vaktsinanyń jetkilikti kólemi bar. Qalyp otyr 93 950 doza, sonyń 80 156-sy vaktsinalaýdyń II-shi kezeńin ótkizýge arnalǵan.
«Turǵyndardyń joǵary suranysyna bailanysty jekelegen eldi mekenderde vaktsina jetispeýshiligi bolýy múmkindigin atap ótý kerek. Mundai jaǵdaida aýmaqtyq densaýlyq saqtaý basqarmalaryna taldaý júrgizip, vaktsinalardy suranysqa qarai qaita úlestirý keńes etiledi.
Búginde Densaýlyq saqtaý ministrligi óńirlerdi vaktsinanyń qajetti kólemimen qamtamasyz etý jumystaryn jalǵastyryp jatyr», - dedi Sanitariialyq-epidemiologiialyq baqylaý komitetinen.
