Vaktsinanyń birinshi jáne ekinshi dozasy arasynda koronavirýsqa shaldyǵý qaýpi bar ma? Bul suraqqa Densaýlyq saqtaý ministri Aleksei Tsoi jaýap berdi, dep habarlaidy "Ult aqparat".
«Iá, árine, ondai qaýip bar. Biz tolyq immýnitet vaktsinanyń alǵashqy dozasyn qabyldaǵannan keiin 45-shi kúni paida bolady dep aittyq. Al 5% halyqta immýndyq jaýap bolmaýy da múmkin. Biraq, jalpy alǵanda vaktsina halyqty 95% qorǵai alady», - dep jaýap berdi ministr Ortalyq kommýnikatsiialar qyzmetindegi brifingte tilshi suraǵyna.
Aita keteiik, 1 aqpanda Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy.
Koronavirýsqa qarsy vaktsinany 21 kúndik aralyqpen eki kezeńde egý kerek.
Birinshi doza antideneniń az mólsherin óndirýge bailanysty qysqa qorǵanys áserin beredi.
Ekinshi doza birinshisiniń áserin kúsheitedi jáne nyǵaitady, adam organizmindegi antidene sany artady.
