«Kók» statýs uǵymyn Ashyq júiesinen shyǵarý týraly aitý ázirge erte. Sanitarlyq-epidemiologiialyq baqylaý komitetiniń tóraǵasy Aijan Esmaǵambetova ortalyq kommýnikatsiialar qyzmetinde BAQ ókilderiniń suraǵyna bergen jaýabynda osyndai pikir bildirdi, dep habarlaidy QazAqparat.
«Shynymen de qazir PTR test boiynsha naýqas ekeni anyqtalmaǵan jáne naýqaspen bailanysta bolmaǵan adamdar úshin «kók» statýs bar. Olar Ashyq júiesindegi nysandarǵa erkin kire alady. Qazir biz «jasyl» statýsqa ekpeniń tek eki komponentin ǵana alǵandardy emes, birinshi komponentin alǵandardy da qosqaly jatyrmyz. Bul óz kezeginde eldi vaktsina alýǵa yntalandyrady. Ekinshi jaǵynan, «kók» statýstaǵy adamdardyń sany azaitýǵa múmkindik beredi», - degen komitet basshysy «kók» satýsty Ashyq júiesinen shyǵarylýy múmkin ekenin aitty.
«Ázirge bul asyǵys shara bolar edi. Óitkeni vaktsinanyń bir komponentin alǵandardyń sany, ókinishke qarai, 5 mln adamnan endi ǵana asty. Qalǵan 8 mln adam áli «kók» statýspen júr jáne «qyzyl», «sary» statýstaǵy azǵantai halyq bar. Sondyqtan ázirge «kók» statýsty júieden shyǵarý týraly aityp otyrǵan joqpyz. Vaktsina alǵandardyń sany kóbeise, «kók» statýsty Ashyq júiesinen shyǵaryp tastaý múmkindigin qaraimyz dep topshylaimyn», - dedi Aijan Esmaǵambetova.
