«كٶك» ستاتۋس ۇعىمىن Ashyq جٷيەسٸنەن شىعارۋ تۋرالى ايتۋ ەزٸرگە ەرتە. سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا ورتالىق كوممۋنيكاتسييالار قىزمەتٸندە باق ٶكٸلدەرٸنٸڭ سۇراعىنا بەرگەن جاۋابىندا وسىنداي پٸكٸر بٸلدٸردٸ, دەپ حابارلايدى قازاقپارات.
«شىنىمەن دە قازٸر پتر تەست بويىنشا ناۋقاس ەكەنٸ انىقتالماعان جەنە ناۋقاسپەن بايلانىستا بولماعان ادامدار ٷشٸن «كٶك» ستاتۋس بار. ولار Ashyq جٷيەسٸندەگٸ نىساندارعا ەركٸن كٸرە الادى. قازٸر بٸز «جاسىل» ستاتۋسقا ەكپەنٸڭ تەك ەكٸ كومپونەنتٸن عانا العانداردى ەمەس, بٸرٸنشٸ كومپونەنتٸن العانداردى دا قوسقالى جاتىرمىز. بۇل ٶز كەزەگٸندە ەلدٸ ۆاكتسينا الۋعا ىنتالاندىرادى. ەكٸنشٸ جاعىنان, «كٶك» ستاتۋستاعى ادامداردىڭ سانى ازايتۋعا مٷمكٸندٸك بەرەدٸ», - دەگەن كوميتەت باسشىسى «كٶك» ساتۋستى Ashyq جٷيەسٸنەن شىعارىلۋى مٷمكٸن ەكەنٸن ايتتى.
«ەزٸرگە بۇل اسىعىس شارا بولار ەدٸ. ٶيتكەنٸ ۆاكتسينانىڭ بٸر كومپونەنتٸن العانداردىڭ سانى, ٶكٸنٸشكە قاراي, 5 ملن ادامنان ەندٸ عانا استى. قالعان 8 ملن ادام ەلٸ «كٶك» ستاتۋسپەن جٷر جەنە «قىزىل», «سارى» ستاتۋستاعى ازعانتاي حالىق بار. سوندىقتان ەزٸرگە «كٶك» ستاتۋستى جٷيەدەن شىعارۋ تۋرالى ايتىپ وتىرعان جوقپىز. ۆاكتسينا العانداردىڭ سانى كٶبەيسە, «كٶك» ستاتۋستى Ashyq جٷيەسٸنەن شىعارىپ تاستاۋ مٷمكٸندٸگٸن قارايمىز دەپ توپشىلايمىن», - دەدٸ ايجان ەسماعامبەتوۆا.
