QR DSM Infektsiialyq aýrýlardy epidemiologiialyq qadaǵalaý basqarmasynyń basshysy Roza Qojapova vaktsinanyń birinshi dozasynan keiin aýyryp qalǵandar qalai vaktsina alatynyn túsindirdi, dep habarlaidy QazAqparat.
«Eger adam koronavirýsqa qarsy vaktsinanyń alǵashqy dozasynan keiin aýyryp qalsa, aldymen tiisti em alýy kerek. Árine, emdeý kezeńinde ol ekinshi dozany almaidy. Saýyqqannan keiin bizde kez kelgen vaktsinalaý úsh-alty ai ótkennen keiin bastalady. Tiisinshe, birinshi komponentti alǵannan keiin aýyrǵandar emdeledi jáne qalpyna kelgennen keiin úsh-alty ai kútedi. Qalpyna kelgen soń alty aidan keiin vaktsinalaýdyń tolyq kýrsyn qaitadan bastaidy», - dedi spiker Ortalyq kommýnikatsiialar qyzmetinde ótken baspasóz máslihatynda.
Iaǵni, mamannyń aitýynsha, vaktsinalaý kýrsy qaitadan birinshi dozadan bastalady.
«Biz qazir barlyq qaýlylarda koronavirýspen aýyrǵandardyǵ 3 ai boiy vaktsina almaitynyn, vaktsinalaýdan bosatylatynyn, olardyń kez kelgen uiymǵa jáne jumystan barýdan shettetilmeitinin jáne jáne PTR testileý tapsyrmaitynyn jazyp jatyrmyz», - dedi Qojapova.
Sonymen birge, spiker koronavirýsqa antideneler aǵzada orta eseppen alty ai saqtalatynyn eske saldy.
