Vaktsinalaýǵa qatysty Memleket basshysynyń tapsyramalary oryndalady. Bul týraly QR Densaýlyq saqtaý ministri Aleksei Tsoi málim etti, dep habarlaidy QazAqparat.
«Prezident Qasym-Jomart Toqaev siz basqaryp otyrǵan vedomstvonyń jumysyn synǵa aldy. Osy oraida qandai kemshilikter bolǵanyn atap óte alasyz ba?», - dep surady tilshi Ortalyq kommýnikatsiialar qyzmetindegi baspasóz máslihatynda.
Óz kezeginde Aleksei Tsoi Memleket basshysy negizgi ekpindi vaktsinalaý merzimine qatysty qoiǵanyn aitty.
«Árine, el ishine vaktsinany jetkizý úshin barynsha kúsh-jigerimizdi salyp otyrmyz. Osy oraida naryqta barsha vaktsinalar qoljetimsiz bolyp turǵanyn taǵy bir márte atap ótkim keledi. Qazir osy vaktsinalar erkin saýdaǵa shyǵarylmaǵan. Bizdiń maqsatymyz – bul vaktsinalardyń jetkizilýin barynsha jyldamdatý úshin kez kelgen resýrstardy tabý. Bul jetkizimder boiynsha problemalar bar, alaida aqpan aiynan bastap Qazaqstanda bar kólemmen vaktsinalaýdy bastadyq», - dedi ministr.
Osy oraida ol vaktsina saldyrýdyń nusqaýlyqtary óte durys jasalǵanyn, iaǵni qajetti jumystar kezeń-kezeńmen atqarylyp jatqanyn aitty.
«Qazir halyqtyń senimi artyp, ekpe jasatýǵa nietti adamdar kóbeidi. Árine, vaktsinanyń naryqqa erkin shyǵarylmaýy tek Qazaqstan úshin ǵana emes, sonymen qatar bizdiń kórshiles elder úshin de problema bolyp tur. Biz barynsha jyldamdatyp, Memleket basshysynyń tapsyrmalaryn oryndaityn bolamyz», - dedi Tsoi.
