ۆاكتسينالاۋعا قاتىستى مەملەكەت باسشىسىنىڭ تاپسىرامالارى ورىندالادى. بۇل تۋرالى قر دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«پرەزيدەنت قاسىم-جومارت توقاەۆ سٸز باسقارىپ وتىرعان ۆەدومستۆونىڭ جۇمىسىن سىنعا الدى. وسى ورايدا قانداي كەمشٸلٸكتەر بولعانىن اتاپ ٶتە الاسىز با?», - دەپ سۇرادى تٸلشٸ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ٶز كەزەگٸندە الەكسەي تسوي مەملەكەت باسشىسى نەگٸزگٸ ەكپٸندٸ ۆاكتسينالاۋ مەرزٸمٸنە قاتىستى قويعانىن ايتتى.
«ەرينە, ەل ٸشٸنە ۆاكتسينانى جەتكٸزۋ ٷشٸن بارىنشا كٷش-جٸگەرٸمٸزدٸ سالىپ وتىرمىز. وسى ورايدا نارىقتا بارشا ۆاكتسينالار قولجەتٸمسٸز بولىپ تۇرعانىن تاعى بٸر مەرتە اتاپ ٶتكٸم كەلەدٸ. قازٸر وسى ۆاكتسينالار ەركٸن ساۋداعا شىعارىلماعان. بٸزدٸڭ ماقساتىمىز – بۇل ۆاكتسينالاردىڭ جەتكٸزٸلۋٸن بارىنشا جىلدامداتۋ ٷشٸن كەز كەلگەن رەسۋرستاردى تابۋ. بۇل جەتكٸزٸمدەر بويىنشا پروبلەمالار بار, الايدا اقپان ايىنان باستاپ قازاقستاندا بار كٶلەممەن ۆاكتسينالاۋدى باستادىق», - دەدٸ مينيستر.
وسى ورايدا ول ۆاكتسينا سالدىرۋدىڭ نۇسقاۋلىقتارى ٶتە دۇرىس جاسالعانىن, ياعني قاجەتتٸ جۇمىستار كەزەڭ-كەزەڭمەن اتقارىلىپ جاتقانىن ايتتى.
«قازٸر حالىقتىڭ سەنٸمٸ ارتىپ, ەكپە جاساتۋعا نيەتتٸ ادامدار كٶبەيدٸ. ەرينە, ۆاكتسينانىڭ نارىققا ەركٸن شىعارىلماۋى تەك قازاقستان ٷشٸن عانا ەمەس, سونىمەن قاتار بٸزدٸڭ كٶرشٸلەس ەلدەر ٷشٸن دە پروبلەما بولىپ تۇر. بٸز بارىنشا جىلدامداتىپ, مەملەكەت باسشىسىنىڭ تاپسىرمالارىن ورىندايتىن بولامىز», - دەدٸ تسوي.
